Friday , March 29 2024

Project ni Juday with Richard, tuloy! (Kahit may tampo ang batang superstar…)


022715 juday Richard Yap

00 fact sheet reggee“TULOY ‘yan (TV project), may mga inaayos lang pero tuloy,” ito ang mensahe sa amin ni Dreamscape Entertainment business unit head, Mr. Deo T. Endrinal kahapon tungkol sa tampo ni Judy Ann Santos sa ABS-CBN management.

Tinanong kasi namin si sir Deo kung matutuloy ang serye nina Juday at Richard Yap aka Papa Chen/Ser Chief base sa anunsiyo ng Tsinitong aktor sa nakaraang post Chinese New Year celebration niya para sa entertainment press noong Sabado, Pebrero 21 na ginanap sa Wangfu Restaurant, Tomas Morato, Quezon City.

Nang mabasa kasi ng taong malapit kay Juday ang anunsiyong ito ni Ser Chief ay tinawagan kami at sabay tanong, “tinanggap na ba ni Juday? Hindi pa nga sila nagkakausap ng ABS kasi may tampo siya.”

Nagulat kami at tinanong namin kung bakit at tungkol saan at sinabi na tungkol daw sa programang Bet On Your Baby.

DAHILAN NG TAMPO NG AKTRES

Kuwento ng taong malapit sa aktres, “si Juday kasi ang kinakausap ng management, dumiretso sa kanya, so walang alam ang manager niyang si tito A (Alfie Lorenzo).

“Noong nagawa niya ang unang season ng ‘Bet On Your Baby’, ang taas ng ratings, kaya sinabihan siya na may season 2, pero siyempre magpapahinga muna kasi magpapa-audition pa ng mga bagets.

“Kaya ‘yung ‘I Do’ reality show muna ang isinunod which is very successful din kaya sinabihan ulit na may 2nd season.”

May season two naman talaga ang I Do ‘di ba Ateng Maricris, kuwento ito ng business unit head ng programa na si Ms Mercy Tolentino-Gonzales, remember? (Yes, at binanggit din iyon sa last presscon ng show—ED).

At dahil matatagalan pa ang airing ng I Do season two dahil may mga babaguhin ay sa 2016 na raw ito eere.

Kaya ipinasok kaagad ang second season ng Bet On Your Baby na napapanood tuwing Sabado at Linggo hanggang sa naging araw-araw na mula Lunes hanggang Biyernes dahil mataas nga raw ang ratings.

Ang iniwang timeslot ng BOYB sa weekends ay napunta sa Home Sweetie Home nina John Lloyd Cruz at Toni Gonzaga.

Tuloy na kuwento ng aming kausap, “dito na nagulat si Juday, kasi alam niya weekend lang ang ‘Bet On Your Baby’ kaya once a week lang ang taping, tapos biglang naging weekdays na at naging three (3) times a week na ang tapings, so nasira ang schedule nina Juday at Ryan (Agoncillo) sa pag-aalaga sa mga anak nila, kasi by schedule sila sa paghatid at pagsundo sa school.

“Hindi siya kumibo, so deadma, work lang ang lola mo, alam mo naman ‘yun, hindi kumikibo, mabait na empleado ‘yun, eh. Kung ano ang ipagawa sa kanya, go lang ng go.

“Hanggang sa sinabihan siya na anim na episodes ‘yung ite-tape nila ng isang araw at last taping day na pala ‘yun. Ganoon lang walang kaabog-abog na parang pinutol bigla.”

Hala, walang pasabi na biglang tatapusin na ang BOYB?

“No idea, kasi si Juday ang kausap ng management. Sa pagkakatanda niya wala raw binanggit kung ilang buwan or season, basta sinabing may taping, go naman siya,” kuwento pa.

HINDI PA NAKIKIPAG-USAP ANG AKTRES SA DOS

Kaya sa bagong serye ni Juday kasama si Richard ay hindi pa rin daw nakikipag-usap ang aktres sa management.

“Nabanggit sa kanya na may serye sila ni Ser Chief, pero ayaw makipag-meeting ni Juday kasi masama ang loob niya kaya nakipag-usap siya sa manager niyang si Tito A na siya na ang makikipag-usap sa management.

“All I know, last Friday (February 20) lang nag-usap sina Tito A at Deo (Endrinal) for the TV project of Juday and Richard, hindi pa kompleto ang casting.

“Pinagsabihan nga ni Tito A si Juday kasi nga sa kanya dumidiretso ang ABS, kaya hindi napa-plantsang mabuti ang project, kung nag-stick sila sa kontrata, eh, ‘di siguro walang isyu para ikatampo ni Juday,” pagtatapat sa amin.

Dagdag pa, “kailangang mawala ang sama ng loob ni Juday muna kasi paano naman siya magtatrabaho kung hindi pa siya okay at saka naging loyal naman si Juday sa ABS, sana maayos din ang usapan.

“Sana kung anuman ‘yung verbal na usapan ng management at Juday, sana sundin like ‘yung schedule ng tapings, biglang naiba, eh, may mga dapat ding i-consider si Juday sa personal niyang buhay, hands-on mom siya at siya rin nag-aasikaso kay Ryan (Agoncillo).”

ni Reggee Bonoan

 

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *