HATAW! D'yaryo ng Bayan hatawtabloid.com
Muzta sa iyo sir,
Ako po c Oliver and ‘yung dream ko naglalakd ako nasa daan ako na nagla2kbay and maya2 may nakita ako mga naglalaba, bkit po ba ganun dream ko? ‘Wag n’yo na lng sana papablish cp ko, thank you po!
To Oliver,
Kung ikaw ay nanaginip na naglalakad nang maayos, nagsasaad ito na ikaw ay mabagal na naglalakbay sa buhay subalit steady naman ang pagsulong tungo sa iyong mithiin o mga pangarap. Ito rin ay nagpapakita na ikaw ay sumusulong sa iyong buhay sa pamamaraang naroon ang iyong kompiyansa, subalit dapat ding maging mapagmatyag at ikonsidera ang iyong landas na tinatahak at patutunguhan. Kung nahihirapan ka naman sa paglalakad, nagpapahayag ito ng pag-aalinlangan sa pag-usad hinggil sa ilang sitwasyon bunsod ng mga balakid at sagwil na kakaharapin o kasalukuyang hinaharap na.
Ang panaginip mo na nasa daan ka ay nagre-represent ng iyong sense of direction at ang tinatahak na direksiyon ng iyong buhay.Segun sa estado ng iyong paglalakbay, makikita mo kung mabuti o masama ito, kung maayos ang iyong paglalakad at hindi ka naka-encounter ng problema o takot. Ang iyong panaginip ay nagsasabi ng iyong inner state of mind. Dapat mong ikonsidera ang iyong sariling saloobin ukol sa mga lugar na nakita mo sa iyong panaginip at kung mayroon kang partikular na alaala ukol dito. Ang panaginip ukol sa paglalakbay ay nagre-represent din ng landasin tungo sa mga ninanais mong marating at makamit sa iyong buhay. Kabilang na rin dito ang iyong daily routine at ang pagprogreso o pag-unlad mo sa araw-araw.
Ang nakitang mga naglalaba ay maaaring may kaugnayan sa transformation o cleansing. Ikaw ay handa nang alisin sa iyong sistema at isipan ang mga sakit at kabiguang naranasan noon. Panahon na para sa mga pagbabagong makatutulong sa iyo. Sa kabilang banda, maaaring paalala rin ito sa iyo upang ayusin ang paningin sa iyo ng ibang tao. Posible rin naman na masyado kang concern sa iyong appearance, kaya ganito ang naging tema ng panaginip mo.
Señor H.
