Crazy Beautiful You, dapat kumita!

ni Ambet Nabus

NAKU Mare, kulang na lang talagang buhusan ko ng malamig na yelo ang mga pamangkin ko na ilan sa mga nag-react kung bakit ang feeling nila eh kakaunting kakiligan (o marami ang nabitin) ang napanood ng Kathniel fans sa Gandang Gabi Vice last Sunday.

Mabilis nga at grabe agad ang reaksiyon ng mga ito at may mga nagalit pa kay Vice.

Nakakaloka ang mga bagets na nabanggit dahil kahit anong paliwanag ang aming gawin na wala namang kontrol ang host ng programa at may mga technical requirement sigurong hindi naayos, kaya ganoon lang sa tingin nila ang kinalabasan ng interview-guesting.

Kaya hindi namin masisisi si Vice if ever mang magsalita raw ito na hindi na nga nagpasalamat ang fans (for helping Kathniel promote) eh nagalit pa sa kanya ang mga ito.

Hay, sana nga lang ay mag-translate into box-office returns as in maging super mega hit ang Crazy Beautiful You movie ng dalawa na showing na sa mga sinehan (opened last Wednesday, Feb. 25).

O hala, mga pamangkin naming mahal na KATHNIEL, enough na ang litanya, go na sa mga sinehan para lahat tayo ay maging happy ‘di ba?