Lapses and talkatives sa PNoy administration

SABI ng ilang matatandanng politiko, ‘yan daw ang high light ng administrasyon ni Pangulong Benigno Aquino.

Kapag nagkakaroon ng LAPSES sumusulpot ang mga TALKATIVES sa Palasyo…

Non-sense talks as in basura at baka ‘yan pa ang maging dahilan para lalong masilat si PNoy.

No. 1 d’yan siyempre wala nang iba kundi si Secretary Herminio “Sonny” Coloma, Jr.

Kumbaga, hindi lang matunawan si PNoy ‘e nakasahod na agad si Colokoy este Coloma para magpaliwanag.

Sesegunadahan pa ‘yan ni Undersecretary Abigail ‘dada’ Valte.

Kaya hayun lalong nagkakaletse-letse.

Kung may lapses nga riyan sa insidente ng Fallen 44, mababawi pa ba ‘yan ni PNoy?

Hindi na iyan mapagtatakpan ng mga espekulasyon. Kasi nga mayroong 44 buhay ang nawala na ang sisi ay ibinabato sa nagbigay ng ‘instruction’ na ilihim kina DILG Secretary Mar Roxas at PNP chief, Gen. Leonardo Espina ang ‘arrest Marwan/Usman operations’ na nagresulta sa napakasamang imahe ng administrasyong Aquino.

At dahil ganyan ang tingin maraming sector ngayon sa administrasyon, heto na naman ang communications group ng Malacanang na hirap-hirap gampanan ang kanilang trabaho.

Trying hard kasing pagandahin ang imahe ni PNoy kaya kung ano-ano na ang ginagawa at sinasabi.

Hindi nila alam lalo lang nababaon sa kumunoy ng kapahamakan ang kanyang ‘amo’ na naniniwalang “Bossing” niya ang mamamayan.

Ano bang ‘BOSS’ ‘yan? Boss ng mamamayan o bossing as in ‘busabos?

Secretary Coloma, hindi damage control ‘yang ginagawa mo kundi pagbabaon sa Pangulo sa kumunoy ng kapahamakan.

Sana naman ‘e matuto na kayo sa karanasan.

Hindi inaamot ang kredebilidad… ‘yan ay ipinupundar at pinagtatrabahuan.

Please stop talking nonsense… puwede ba!?