Saturday , April 20 2024

State Farm All Star Saturday lalarga na (Live sa ABS-CBN Sports + Action)

PrintMapapanood ng live sa ABS-CBN Sports+Action ang kinasasabikang “State Farm All-Star Saturday” ngayong Linggo (Feb 15), 9:30 AM kung saan matutunghayan ang apat na inaabangang side events na Foot Locker Three Point contest, Degree Shooting Stars, Taco Bell Skills Challenge at Sprite Slam Dunk.

Ang “All-Star Saturday,” na ihahatid mula mismo sa Barclays Center sa Brooklyn, New York nina TJ Manotoc at Boom Gonzalez, ay kinasasabikan ng lahat dahil sa Slam Dunk contest. Ngunit ngayong taon, babandera ang Foot Locker Three Point contest bilang matindi ang kanilang kartada para sa taong ito. Walo sa pinakamatitinding tirador ng liga ang sasali at magpapaligsahan sa Brooklyn.

Idedepensa ni Marco Belinelli (SAS) ang kanyang korona laban sa kina Kyle Korver (ATL), Stephen Curry (GSW), Klay Thompson (GSW), Kyrie Irving (CLE), James Harden (HOU), JJ Redick (LAC), at Wes Matthews (POR).

Bukod sa three point contest, nariyan din ang Degree Shooting Stars kung saan maglalaban laban ang mga koponang binubuo ng isang kasalukuyang manlalaro, isang Legend at isang player mula sa WNBA. Ang Team Bosh (Chris Bosh, Dominique Wilkins, Swin Cash) ay pilit na idedepensa ang kanilang korona laban sa Team Curry (Stephen Curry, Dell Curry, Sue Bird), Team Westbrook (Russell Westbrook, Anfernee “Penny” Hardaway, Tamika Catchings) at Team Davis (Anthony Davis, Scottie Pippen, Ellena Delle Donne).

Ang Taco Bell Skills Challenge naman ay may bagong format na three-round, obstacle-course na competition kung saan importante ang basics tulad ng dribbling, passing, shooting, at liksi. Susubukang patumbahin ni Trey Burke (UTA) ang lahat ng mga challenger niya tulad nina Brandon Knight (MIL), John Wall (WAS), Kyle Lowry (TOR), Jimmy Butler (CHI), Jeff Teague (ATL), Isaiah Thomas (PHX), at Michael Carter-Williams (PHI).

Hindi naman papahuli ang magiging hari ng dakdakan na susubukang kunin ni Giannis Antetokounmpo (MIL), Victor Oladipo (ORL), Zach LaVine (MIN), at Mason Plumlee (BKN) na susubukan ding magpasikat sa mga manonood sa taas ng kanilang mga lipad.

Ang “State Farm All-Star Saturday” ay eere ng live sa ABS-CBN Sports + Action, 9:30 AM sa Linggo (Feb 15) na may primetime telecast sa Martes (Feb 17), 7 PM.

 

About hataw tabloid

Check Also

NYBL Butz Arimado TOPS PSC

NYBL Inter-Cities lalarga sa Mayo 4

ISASAGAWA ng National Youth Basketball League (NYBL) ang 2nd Inter-Cities and Municipalities basketball championship  sa …

Philippine athletics TOPS PSC

Philippine athletics meet tatakbo na

Manila — Inilalagay ng Philippine Athletics Track and Field Association ang kanilang pinakamahuhusay na atleta …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Leave a Reply

Your email address will not be published. Required fields are marked *