Thursday , March 28 2024

‘Kenkoy’ si Jinggoy  

00 Kalampag percy

BAHALA na po kayo kung gusto n’yong pagtawanan, kahit hindi naman nakatatawa, ang hirit ni Sen. Jinggoy Estrada sa Sandiganba-yan na payagan daw siyang makalabas ng kulungan upang maka-dalo sa idaraos na pagdinig ng Senado sa February 9 hinggil sa madugong enkuwentro na naganap sa Mamasapano.

Ayon sa kenkoy na senador, tapos na raw ang preventive suspensiyon na ipinataw sa kanya ng Senado kaya dapat daw siyang payagang makalabas para gampanan ang kanyang obligasyon bilang senador.

Wala akong natatandaan, ni minsan, kahit nahalal pang senador, hindi nagtangkang gumimik ni Sen. Antonio “Sonny” Trillanes IV, para payagan siyang makadalo sa mga session ng Senado noong siya’y nakakulong pa kahit ‘di hamak na marangal ang kanyang kinasangkutan kaso ng kudeta, kompara sa pandarambong na nagsadlak kay Jinggoy sa kulungan sa ikalawang pagkakataon.

Ang tapang naman yata ng apog ni Jinggoy para humirit na palabasin siya, gayong nakabilanggo siya dahil sa karumal-dumal at kahiya-hiyang kaso ng pandarambong sa salapi ng ba-yan.

Ibig palabasin ni Jinggoy na napaka-importante niyang tao, at hindi puwedeng matuloy ang imbestigasyon kung wala siya sa gagawing pagdinig ng Senado kaugnay ng madugong masaker sa Mamasapano. He, he, he!

Baka sakaling matuwa ang mamamayan at payagan siya ng Sandiganbayan kung ang la-yon ng kanyang hirit ay pupunta siyang mag-isa sa Mamasapano na may bitbit na armalite upang tugisin ang mga teroristang bandido na walang-awang pumaslang sa SAF 44.

At least, consistent sa “all-out-war” na ide-yang nalalaman at ipinangangalandakan ng tatay niyang ousted president at convicted plunderer kapag si Jinggoy ang unang isasabak laban sa MILF, BIFF at iba pang grupo ng mga bandidong terorista sa Mindanao.

Palibhasa nga, walang anak o malapit na kamag-anak si Erap na pulis o sundalong sumasabak sa panganib kaya simple lang para sa kanya ang all-out-war bilang solusyon kahit madamay pati ang mas nakararaming nananahimik na mamamayan sa Mindanao, tulad ng ginawa niya bago mapatalsik na pangulo sa Malacañang.

‘Pag ‘yan ang rason ni Jinggoy, magiging bayani siya at tiyak na walang tututol na palabasin siya, kahit isang linggo pa, para ipaghiganti ang SAF 44.

Dugo ng SAF 44 sa kamay nina Ochoa at Purisima

BATAY sa mga isiniwalat sa media ng sinibak na hepe ng Special Action Force (SAF) na si Police Director Getulio Napeñas, ang suspendidong si Philippine National Police (PNP) chief Alan Purisima ang direktamenteng sabit sa buliyasong operasyon sa Mamasapano, Maguindanao.

Una na rin napaulat na si Executive Secretary Paquito Ochoa, Jr., hepe ng Presidential Anti-Organized Crime Commission, ang may utos: ‘neutralize’ terrorist forces.

Pero mistulang mga bingi sina Ochoa at Purisima na binabalewala ang pagharap sa media upang magpaliwanag sa publiko.

Sa hindi malamang dahilan, kapansin-pansin ang biglang paglaho ng pangalan ni Ochoa sa mga huling ulat ng media na parang orchestra na kinumpasan upang mabura ang kanyang papel sa sumabit na operasyon.

Habang hindi lumulutang sina Ochoa at Purisima upang magpaliwanag sa publiko, nasa mga kamay nila ang dugo ng SAF 44.

Normal ba sa PNP at AFP ang pag-amin ni Napeñas na sundin ang utos ng isang suspendidong opisyal na nakatataas sa kanya at maituturing na unlawful order?

Abangan!

Mangudadatu, bakit tahimik?

BAKIT kaya ni ha, ni ho, ay walang banggit o narinig man lang tayo mula kay Maguindanao Gov. Esmael “Toto” Mangudadatu na siyang may sakop sa Mamasapano at pinangyarihan ng masaker?

Hindi yata normal sa kasaysayan ang pana-nahimik ng isang gobernador kapag may mala-king krimen na naganap sa kanyang teritoryo.

Ano ba ang dahilan ng pananahimik ni Ma-ngudadatu, bakit ultimo anino niya ay invisible sa kabila ng madugong pangyayari?

Hindi ba dapat lang magsalita si Mangudadatu sa publiko para agad linisin ang kanyang pangalan tungkol sa ulat na may mga private army ang kabilang sa mga walang-awang pumatay sa SAF 44?

Ano kaya ang masasabi ni Ka Freddie “Anak” Aguilar?

(Para sa anumang sumbong at reaksiyon, mag-text o tumawag sa 09174842180. Maaring ipadala ang inyong liham sa e-mail address: [email protected])  

About hataw tabloid

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *