Friday , March 29 2024

Marwan buhay pa

FRONTBUHAY pa si Jemaah Islamiyah (JI) terrorist group bomb expert Zulkifli Abdul bin Hir, a.k.a Marwan at ang itinuturing na “US most wanted man.”

Ito ang sinabi ng isang impormante sa Hataw kahapon taliwas sa pahayag ng Palasyo na napatay si Marwan sa naganap na enkuwentro ng mga kasapi ng Philippine National Police-Special Action Force (PNP-SAF) at pinagsanib na pwersa ng Bangsamoro Islamic Freedom Fighters (BIFF) at Moro Islamic Liberation Front (MILF) sa Mamasapano, Maguindanao noong Lunes.

Ayon sa source, isang araw bago sumalakay ang SAF sa Mamasapano ay nakatakas na si Marwan sa area at iniwan niya ang ginagamit na cellular phone sa kanyang bodyguard na Indonesian JI member.

“Kaya kahit nasabat ng bugging device ng US troops ang tawag sa cellular phone ni Marwan sa Mamasapano, hindi na pala siya ang gumagamit kundi ang kanyang Indonesian bodyguard,” anang source.

Sinasabing sinadya ni Marwan na kumuha ng ka-lookalike niyang bodyguard  para malinlang ang mga awtoridad.

Si Marwan, isang Malaysian, ang sinasabing in charge sa south eastern Asian at Indonesian terrorist group na tinaguriang Kumpulan Mujahidin Malaysia, isang organisasyon na bahagi ng JI, at nasa likod ng 2002 Bali bombings na ikinamatay ng 202 katao, kabilang na ang Australian, Indonesian, British, American, Swedish at Danish citizens.

Marunong magsalita ng wikang Malay, Tagalog, English at Arabic si Marwan at pinaniniwalaang supplier siya ng mga bomba sa iba’t ibang terrorist groups sa buong mundo.

Natutong gumawa ng bomba si Marwan kay Azahari Husin, kilala bilang “demolition man,” na utak ng Bali bombing at ang kanyang kaalaman ay ibinahagi niya sa Muslim extremists sa Mindanao.

Ipinag-utos ng United States District Court sa California noong Agosto 2007 ang pag-aresto kay Marwan at nag-alok ang US government ng $5-M reward para sa ikadarakip niya, kaya ang mga kapatid ni Marwan na sina Rahmat Abdhir atTaufik bin Abdul Halim ay parehong nakapiit sa US bunsod nang pagkakasangkot sa terorismo. 

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *