Friday , March 29 2024

Informal settlers hindi na tatanggapin ng City of San Jose Del Monte, Bulacan

00 Bulabugin jerry yap jsyISANG resolusyon ang inaakda ngayon ng City of San Jose del Monte (CSJDM), Bulacan para sa 10-taon moratorium sa pagtanggap ng informal settlers sa lungsod.

Ayon kay CSJDM Mayor Rey San Pedro, matapos nilang tanggapin ang 750,000 informal settlers mula sa mga danger zones sa Metro Manila ay isasara muna ang lungsod sa programang ito ng pambansang pamahalaan.

Ang rason: kailangan nilang isabay sa paglalaan ng tahanan ang iba pang serbisyong panlipunan na kinakailangan ng mga bagong residente ng lungsod.

Mula taon 2000 hanggang 2013 umabot na sa 750,000 informal settlers ang kinupkop ng lungsod kaya lumobo nang husto ang populasyon ng siyudad.

Sa ngayon, sinabi ni Mayor San Pedro na ang San Jose Heights sa Barangay Muzon ang huling (muna) resettlement area na tumanggap ng informal settler mula noong Agosto 2013.

Dito tayo bilib kay Mayor San Pedro.

Kung mananaig ang pagiging utak-politiko, lahat ‘yan ay tatanggapin niya, dahil ang magiging katuwiran niya, botante rin ‘yan.

Pero hindi ganoon mag-isip si Mayor San Pedro. Mas inisip niya na mabigyan nang maayos na serbisyong panlipunan ang mga informal settler na mahabang panahong napagkaitan nito sa paninirahan nila sa mga danger zones sa Metro Manila.

Ayaw nang ulitin ni Mayor San Pedro ang karanasang ito ng mga informal settler ngayong sila ay nasa lungsod na kanyang pinamumunuan.

Ang nakikita ko pang problema diyan e dumarami ang mga tao pero ang budget ng lungsod ay hindi naman dinaragdagan ng national government.

Nitong nakaraang Biyernes, sa paggunita ng Araw ng Republika sa Malolos City, dumiretso si SILG Mar  Roxas sa San Jose del Monte City para ipagkaloob sa lokal na pamahalaan ang P40-milyon halaga ng livelihood projects para sa mga bagong residente ng lungsod.

Ang nasabing livelihood projects ay isasailalim sa training facility na itinatayo na ngayon sa Barangay Minuyan.

Alam nating maliit ang P40 milyon para sa nasabing proyekto, pero ‘yan ay panimula lamang at  kung mapamamahalaan nang maayos maaaring umikot ang nasabing proyekto hanggang mabiyayaan ang mga informal settlers nang sa gayon ay hindi na sila kailangang lumuwas pa ng Maynila para sa paghahanap ng kabuhayan.

Sa lungsod kung saan sila inilagak ng pamahalaan ay doon sin sila makasusumpong ng pagkakakitaan.

At ‘yan ang ultimong layunin ni Mayor Rey San Pedro kung bakit kinakailangan ng lungsod ng 10-taon moratorium sa pagtanggap ng mga informal settler.

Korek na may malaking tsek ka d’yan, Mayor Rey San Pedro!

Maraming desmayado sa latest promotion ni Mison!

DESMAYADO na naman ang maraming empleyado at opisyal ng Bureau of Immigration (BI) sa ginawang promosyon ni Commissioner Siegfred Mison.

Dahil hindi deserving (umano) ang ilan sa mga nabiyayaang ma-promote, lumikha ng dibisyon ang hakbang na ito ni Mison sa hanay ng mga empleyado at iba pang opisyal.

Noong una umano ay inakala nilang “a man of reasons” si Mison kaya’t nagtiwala sila sa kanyang pagpapasya.

Pero nang maipatupad na ang promotion, nakupoooo!!!

Marami ang napamura (F*#*k u) at muntik nang malaglag sa kanilang kinauupuan.

Hindi nila alam kung pagtatawanan nila o kaiinisan si Mison dahil halatang hindi niya kilala ang mga tunay na nagtatrabaho sa Immigration.

Mas kilala umano ni Mison ang kung sino-sinong bata-bata ng kung sino-sinong opisyal na malamang ‘e siyang nagbigay sa kanya ng rekomendasyon.

Tama ba ako BI-IRD chief MARIE VITAN!?

Ang promotion ni Mison ay kinabibilangan ng mga napaboran ng bata-bata system.

At ang basehan ng promosyon, “it’s not WHAT you know but  WHOM you know.”

May binasehan daw ng promotion ay tagal sa serbisyo kahit wala naman naging output sa bureau!

May mga bago rin na na-promote pero wala din malaking accomplishment sa bureau.

Ang higit umanong nadesmaya sa katarantaduhan ‘este’ pinaggagagawa ni Mison ay ‘yung mga naging tapat sa kanilang trabaho at sumuporta sa kanyang programa na hindi man lang niya tinapunan ng pansin para gawing prioridad sa ginagawa niyang promosyon.

Ang masaklap, sila pa ang unang ini-snowpeak sa listahan ng promotion.

Tama ba BI AssComm. Abdullah Mangotara!?

Napagtanto nila na si Commissioner Mison ay isa lang palang ‘malaking DRAWING’ sa larangan ng pamumuno.

Lalo nilang nakita ang katangiang ito ni Mison nitong nakaraang Disyembre ng ipasara ang dulo ng Magallanes Drive Intramuros para lamang sa kanyang kapritsong Christmas party/presentation.

Nagulat nga ang mga empleyado kung bakit napaka-grandioso ng kanilang Christmas party gayong wala namang ibinigay sa kanilang Christmas bonus.Dapat nga raw sa Department of Tourism ilagay itong si Mison sa mga naiisip n’yang maarteng programa.

Ginawa raw ito para maipost sa Youtube at mapag-usapan pero sad to say…flop at hindi man lang nagtrending ang X’mas presentation ni Mison.

Tsk tsk tsk…

Commissioner Mison, hindi iyang paggastos ninyo nang malaki para sa isang maluho pero walang kuwentang Christmas party/presentation ang ‘legacy’ sa ilalim ng inyong pamumuno.

Sabi nga mga empleyado d’yan, ikaw mismo Commissioner, WALA ka pang maipagmamalaking malaking achievement sa Bureau?!

Kaysa ginastos mo raw sa maluho at walang kuwentang Christmas party na pawang artista lang ang kumita mas mabuti pa sana kung ibinigay mo na lang ‘yan sa mga empleyado bilang bonus.

Personal na nalulungkot ang inyong lingkod, Commissioner Mison, kasi mukhang wala rin maisusulit o maisusulat sa Bureau sa panahon ng iyong pamumuno.

I-dedicate ko na lang ang kanta ni Claire dela Fuente sa inyo, SAYANG!

Video karera ni Nognog humahataw sa Caloocan

NAKAKAGULAT ang latag ngayon ng video karera sa lungsod ng Caloocan. Halos 80 porsiyento ng mga barangay dito ay nalatagan na raw ni NOGNOG ng VK demonyo machines. Caloocan PNP Chief S/Supt. BARTOLOME BUSTAMANTE, mahusay ho bang ‘magparating’ si Nognog a.k.a. Caloocan VK King!?

Nagtatanong lang ho.

Pakilinis ang estero, Yorme Erap! 

GOOD am po sir. Meron lang ako gus2 iparating sa ating kinauukulan dito sa Maynila. Tungkol ito sa mga estero or kanal d’yan sa Recto malapit sa Mendiola at sa Tondo estero/kanal katabi ng riles ng tren. Napuno na ng basura sana maaksyonan matanggal ang mga basura para malinis ang estero kanal. Maraming salamat po. +63909337 – – – –

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About hataw tabloid

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *