Friday , March 29 2024

So kampeon sa Nevada

101414 Wesley So chess

NAG-IWAN ng magandang alaala si super grandmaster Wesley So bago natapos ang taong 2014, ito’y ang pagsungkit ng titulo sa katatapos na 24th Annual North American Open chess championships na ginanap sa Bally’s Casino Resort sa Las Vegas, Nevada.

Tumarak ng dalawang tabla at isang panalo si World’s No. 10 player So (elo 2770.7) upang masiguro ang pagbulsa sa US$9,713.00 na premyo sa event na ipinatupad ang nine rounds swiss system.

Draw ang laban ni So kina GM Xiangzhi Bu (elo 2691) ng China at GM Julio Becerra (elo 2546) ng Florida, USA sa rounds 7 at 8 habang kinaldag niya si GM Tsegme Batchuluun (elo 2525) ng Mongolia sa last round matapos ang Queen’s Gambit.

Lumikom ang 21-year old So ng eight points mula sa seven wins at dalawang draws kung saan ay isa’t kalahating puntos ang lamang niya sa apat na GMs na nakasunod sa kanya.

Nagsalo sa second to fifth place sina GMs Bu, Becerra, Alex Yermolinsky at Vladimir Georgiev na may tig 6.5 points at nakopo nila ang tig $2,314.00 na premyo.

Ang nasabing tournament ay may sa 95-player na inorganisa ng Continental Chess Association.

Apat na beses nagkampeon ngayong taon ang Minnesota-based So kaya umalagwa ang kanyang elo rating at mapalapit sa inaasam na top 5 sa World Rankings bago matapos ang taong 2015.

Si So na lumipat sa United States Chess Federation (USCF) ay sumulong ng piyesa sa prestihiyosong event, ang Capablanca Memorial tournament Havana, Cuba para hablutin ang korona.

Binigyan din ng karangalan ni So ang bansang Pilipinas ng magkampeon ito sa ACP Golden Classic in Bergamo, Italy, noong July at sa Millionaire Ches Open sa Las Vegas noong October kung saan ay ibinulsa nito ang pinakamalaking premyo na $100,000.

Samantala, nakatakdang lumaban si So sa 2015 Tata Steel Chess Championship sa Wijk ann Zee, Netherlands sa darating na Enero 9-25.

Ang torneo ay ang pinakamalakas na lalaruan ni So sapul ng maglaro siya sa international competitions dahil kalahok dito ang world champion na si GM Magnus Carlsen ng Norway.

Bukod kay Carlsen ang ibang kasali ay sina GMs Fabiano Caruana ng Italy, Levon Aronian ng Armenia, Anish Giri ng the Netherlands, Maxime Vachier-Lagrave ng France, Radoslaw Wojtaszek ng Poland, Teimour Radjabov ng Azerbaijan, Baadur Jobava ng Georgia, Liren Ding ng China, Vasilly Ivanchuk ng Ukraine, Ivan Saric ng Croatia, Hou Yifab ng China and Loek van Wely ng the Netherlands.

(ARABELA PRINCESS DAWA)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *