Friday , March 29 2024

BI-Davao natakasan ng american fugitive (Deportasyon nakabinbin)

121514 BI davaoISANG puganteng Amerikano na tila nag-ala-Clint Eastwood sa pelikulang Alcatraz ang iniulat na tumakas sa pamamagitan umano ng paglagari sa rehas ng kanyang detention cell sa Davao Immigration Office sa Davao City.

Batay sa nakalap na impormasyon ng HATAW, isang Douglas Brent Jackson, American national, ang walang kahirap-hirap na nakatakas sa kanyang selda nitong nakaraang Disyembre 7, araw ng Linggo.

Batay sa record, si Jackson ay naisyuhan na ng Summary Deportation Order noong Agosto 29 (2014) dahil sa kasong pagnanakaw sa Estados Unidos.

Sa blotter sa San Pedro police station, nabatid na si Jackson ay nakapiit sa 2nd floor ng Davao Bureau of Immigration Office.

Nakatalaga sa oras na iyon ang isang BI-CSU (civil security unit) na kinilalang si Virgilio Bonleon.

Nang inspeksiyonin ng pulisya ang tinakasang piitan ni Jackson, nabatid na pinutol niya ang kanyang rehas sa pamama-gitan ng lagaring bakal.

Marami ang nagtataka kung bakit wala man lang nakapuna na nilalagari ni Jackson ang kanyang rehas.

Marami rin ang nagtataka kung bakit nakakulong pa rin sa Davao Immigration si Jackson gayong naisyuhan na ng Summary Deportation Order.

Iniulat ng Immigration Davao na patuloy silang nakikipag-ugnayan sa lokal na pulisya para sa muling ikadarakip ng nasabing American fugitive.

Jerry Yap

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *