INIUTOS ni Land Transportation Franchising and Regulatory Board (LTFRB) chairman Winston Ginez na tapyasan ang kasalukuyang minimum na pasahe sa mga jeepney sa Metro Manila.
Sa isang pulong balitaan kahapon, sinabi ni Ginez, mula sa dating P8.50 na regular na pasahe ay magiging P7.50 na lamang ito.
Inaasahan ang implementasyon ng piso fare rollback sa lalong madaling panahon.
Ang mga lalabag sa kautusan ay maaaring maparusahan batay sa mga umiiral na patakaran ng LTFRB.
Kabilang sa maximum penalty ang pagtanggal ng prangkisa ng pampasaherong jeepney.
Nag-ugat ang bawas pasahe sa sunod-sunod na rollback ng langis sa lokal at pandaigdigang merkado.