HATAW! D'yaryo ng Bayan hatawtabloid.com
“NAKATAAS na ang mga kamay at sumuko na pero binaril pa rin ng mga tauhan ng Manila Police District-Police Station 10, ang mister ko.”
Ito ang reklamo sa Manila Police District-General Assignment and Investigation Section (MPD-GAIS), ni Rochelle Biligan, 35, misis nang napatay na si Russel Biligan, 32, residente ng Kahilum II, Pandacan, Maynila
Idineklarang dead on arrival sa Manila Doctor’s Hospital dakong 10:30 a.m. kahapon si Biligan.
Ayon sa ulat, naganap ang insidente sa loob ng isang sabungan sa Pandacan, Maynila dakong 9:30 .m. habang nagpapatupad ng anti-criminality campaign ang mga tauhan ng MPD-PS 10 na pinamumunuan ni Supt. Froilan Uy.
Ayon sa ginang, hinabol ng mga pulis ang kanyang mister dahil sa pagkakasangkot sa illegal na droga. Ngunit sumusuko na aniya ang kanyang mister habang nakataas ang mga kamay, binaril pa ng mga pulis.
Patuloy na iniimbestigahan ng mga awtoridad ang insidente.
Leonard Basilio
