Ate Vi, pinangunahan ang pagbubukas ng Ala Eh! Festival

AS expected, present na naman si Governor Vilma Santos, umaga pa lang, sa pagsisimula ng kanilang Ala Eh! Festival sa Batangas. Iyan ay sa kabila ng sinasabi sa kanya ng kanilang organizing committee na hindi naman siguro talaga kritikal na proyekto iyon at maaari na siyang mag-skip doon sa mga maaagang appearance dahil kaya na naman nila iyon. Alam naman nila kasi na kagagaling lang sa sakit ni Ate Vi. Pero ang gobernadora, sige pa rin dahil sinasabi niyang katungkulan niya iyon.

Kung minsan naman iyan ang problema ni Ate Vi eh. Talagang ganyan siya kahit na noong araw. Natatandaan namin, may mga pagkakataong sinabihan siya noon na huwag na siyang mag-opening number sa kanyang show dahil masama ang kanyang pakiramdam, pero siya ang nagpipilit na gawin iyon dahil alam niyang inaabangan iyon ng kanyang fans at ayaw niyang ma-disappoint sila.

Ganoon din naman ngayon. Ayaw niyang may ma-disappoint kung wala siya sa kanilang festival. Pero dapat isipin din muna niya ang kalusugan niya.

Ed de Leon