Gab’s super-selfie videos, naka-million views na!

UMANI ng paghanga ang super-selfie videos na ginawa ni Gabriel Valenciano sa latest music video na 7/11 ng international singer na si Beyonce na kasama saBeyonce Platinum Edition box-set.

Napag-alaman naming original concept ito ni Gabriel na na-feature pa sa Teens Reactsa YouTube na pinuri pa siya ng Game of Thrones star na si Maisie Williams.

At dahil naka-6M views ito sa YouTube, naging daan ito para maging guest si Gabriel sa shows na Good Morning America, America’s Funniest Videos, Tru Videos at iba pang TVshows sa Europe, Canada, Asia at sa major online sites gaya ng Mashable, Huffington Post Come­dy, Buzzfeed, Reddit, People.com, at NBC News.

Sa ngayon, ang YouTube channel ni Gab ay may mahigit 87,000 subscribers at ang videos niya ay humamig ng million views habang ang music video ni Beyonce na 7/11 ay nakakuha ng mahigit sa 26-M views matapos ang ilang araw na ilabas ito.

Maricris v. Nicasio