Thursday , March 28 2024

Rox Tattoo (Part 24)

00 rox tattoPLANADO NA LAHAT KINA ROX AT DADAY PATI ANG KASAL PERO MAY PATAWAG SI MAJOR

Doon sila nagsama ni Daday. Nagpundar siya ng kanilang mga gamit. Isa-isa niyang inihanda ang mga bagay na kakailanganin nila sa pagpapakasal. Pati na siyempre ang pagdedekoras-yon sa simbahan at salaping gagastusin sa reception.

“Handang-handa na ang lahat,” pagmamalaki niya kay Daday. “At ngayon pa lang ay talagang aking-akin ka na.”

“Selosa ako, ha? Aking-akin ka rin lang…” hagikgik ni Daday nang yakapin siya at hagkan sa punong-tainga.

“Alam mo, ang gusto ko sana ay magkaroon tayo ng sariling bahay. Maganda ‘yun, malaki at may swimming pool. Malawak ang solar para do’n makapaglaro-laro ng takbuhan ang ating magiging mga anak,” aniyang nangi-ngislap sa ligaya ang mga mata.

“Ilang anak ba ang gusto mo?” naitanong ni Daday.

“’Sandosenang puro lalaki para maging isang team ng basketball,” aniya sabay sa pag-arteng naglalaro ng basketball.

“Ay, kulang!” hirit ni Daday

“K-kulang pa?” pagkakamot niya sa ulo.

“Kelangan may muse… Dapat may babae rin tayong anak,” ang tawa ni Daday.

Tuwang-tuwa si Jakol nang ibalita niya ang tungkol sa pagpapakasal nila ni Daday.

“Congrats, Kosa!” anitong mahigpit na nakipagkamay sa kanya.

“Isa ka sa mga magiging bestman namin, ha, ‘Dre?” aniya sa ka-buddy.

“Basta’t ikaw, okey sa olrayt… nanginginig pa,” tawa nito sa pagta-thumb’s up.

Dalawang buwan pa bago sumapit ang itinakdang petsa nina Rox at Daday sa kanilang pag-iisang dibdib. Marami pang DJ ang tiyak na tatrabahuhin pa ng grupo nina Rox at Jakol.

“Sabi ni Major, mag-report daw tayo sa kanya sa dating lugar,” sabi ni Jakol kay Rox na kausap sa cellphone.

“Kelan daw?” usisa niya sa ka-buddy.

“Mamayang gabi raw, bandang alas-nuwebe…”

Nagkita-kitang muli ang grupo ni Rox sa dating lugar sa pag-aabiso ni Major.

(Itutuloy)

 

 

ni Rey Atalia

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *