Mag-utol na paslit patay sa Pasig fire

PATAY ang magkapatid na paslit nang matupok ng apoy ang bahay ng pamilya Alvarez sa Brgy. Kalawaan, Pasig City kahapon.

Pagkalanghap ng usok ang ikinamatay ng 5-anyos na si Arlene at kapatid na si Richie Anne, 4.

Ayon sa Pasig City Fire Station, natagpuang wala nang buhay ang dalawang bata makaraan ang 15 minutong sunog.

Ayon kay Brgy. Kalawaan Sec. Lamberto Tuazon, nasa labas ng bahay ang ina ng mga biktima nang mangyari ang sunog.

Agad nilang naapula ang sunog dahil may sariling firetruck ang barangay.

Inaalam kung kandila o problema sa electrical wiring ang dahilan ng sunog.