Friday , March 29 2024

Mommy Elaine sobrang ipinagmamalaki at mahal na mahal ang unica hija na si Sharon (Ngayon lang narinig! )

111414 elaine gamboa sharon cuneta

00 vongga chika peterLast Monday kahit na may problema na ang car ko, at natetensiyon na ang aking piloto everyday na si Chan Chan, tumuloy pa rin kami ng longtime friend ko na si Rohn Romulo sa pagpunta sa last wake ni Mommy Elaine Cuneta sa Sanctuario de San Antonio sa Mckinley Road Makati upang makiramay sa mag-inang KC Concepcion at Sharon Cuneta na aming ina-inahan ni Rohn sa showbiz. Pagdating namin sa lugar ay naabutan namin ang maraming tao, na nakaupo sa bawat table at sabay-sabay na nagdi-dinner. Una naming nakasalubong si Paulo Avelino at binati naman kami ng actor lalo na si Rohn na ma-tagal na pa lang kakilala ng actor at nang makita namin si KC ay agad naming nilapitan ang Kapa-milya singer-actress na bumeso agad sa amin at sinabihan kaming katatapos lang raw niyang ipa-retouched ang make-up ng kanyang Lola Mita (tawag niya sa lolang si Elaine) kaya kapag na-kita namin ay magandang-maganda. At totoo nga dahil nang silipin namin ang kabaong ni Mommy Elaine ay parang natutulog lang ang well-loved na celebrity Mom. Naabutan namin sa loob ang brother ni ‘Nay Sharon na si Mr. Chet Cuneta kasama ang mga anak, ang mister na si President Assistant for Food Security and Agricultural Mo-dernization na si Kiko Pangilinan with kids Miel and Miguel. Niyaya pala kami ni KC na kumain at shock kami sari-saring catered food na puro masasarap lahat. Sa rami ng mga taong nakiramay at dami ng pagkain at iba’t ibang drinks na pwedeng mamili kung ano ang choice mo ay nagmukhang Party ang burol ni Mommy Elaine.Wala pa ang aming ‘Nay Sharon nang dumating kami sa Sanctuario pero narinig namin na nagpapahintay siya para sa misa at gaganaping necrological service nung gabing ‘yun. At eksaktong 9:00 pm ay duma-ting nga ang megastar at sinimulan na nga ang eulogy service na pinamunuan ni Apples Sotto, ang panganay nina Sen. Tito Sotto at Tita Helen Gamboa na nagsilbing host sa ga-bing ‘yon. Noong una medyo magaan pa ang atmosphere dahil relaks lang at puro magagandang salita ang namutawi sa bawat kaanak para sa namayapa. Pero nang magsimula nang magsalita si Tito Sen, KC at Sharon do’n na bumigay ang lahat maging kami ni Rohn ay hindi napigilan ang hindi maluha sa mga trivia sa pinakamamahal nilang si Mommy Elaine. Ang isa sa nagpabagsak nang aming luha ay nang sabihin ni KC, na hanggang sa huling hininga ng kanyang Lola Mita ay buong ningning nitong ipinagmalaki na very proud siya kay Sharon sa lahat ng mga achievements nito sa kanyang career at mahal na mahal niya ang kaisa-isang babaeng anak na megastar. Tahimik rin ang lahat sa halos dalawang oras na iba’t ibang kwento ni Shawie sa kanyang Mom Elaine na ang pinakatumatak sa amin ay nang sabihin nito sa harap ng ina ang mga katagang. “I love you my Mommy. Napakarami mo nang tinawag na anak, tinawag na apo, ako ang anak ni Elaine na kaisa-isang babae and I will die very proud of that,” na totoong-totoo naman. Naghinayang rin pala si Sharon at hindi na nahintay ng kanyang Mommy Elaine na makita siya uling sexy. Isa raw ang ina sa dahilan kung bakit siya nagseryosong mag-diet dahil minsan ay biniro siya nitong magbawas na ng timbang na na-hurt man daw siya ay kanya namang sinunod. Buong puso pa lang pinasalamatan ng actress si Kiko, sa labis-labis na suporta nito sa kanya na gabi-gabing nagpupuyat sa burol at pati ang obligas-yon niya ay sinasalo nito. Minsan raw kasi dala ng sakit na hypertension ay hindi nahaharap ni Sharon ang lahat ng bisita. Samantala sa nasa-bing eulogy ay pinatunayan ng lahat ang kabaitan at pagiging generous ni Mommy Elaine at ang pagkamahiligin sa pagluluto at pagkain na kung magluto ay sobra dahil ayaw niyang may nagugutom sa kanyang pamilya, kaanak, kaibigan at mga bisita. Last Tuesday (Nov 11) ay inihatid na pala si Mommy Elaine sa kanyang huling hantu-ngan sa Manila Memorial Park. Ilan sa mga celebrity na aming namataan sa last wake ay sina Q.C Mayor Herbert Bautista, Albert Martinez, mag-inang Annabelle Rama at Ruffa Gutierrez, Robin Padilla etc., at ang mga kumanta sa necrological service na sina Dulce at Lani Misalucha. Mula dito sa HATAW D’yaryo ng Bayan, ang aming taos-pusong pakikiramay to Nanay Sharon and KC gyud!

ni Peter Ledesma

 

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *