Friday , March 29 2024

SMB parang damit kung magpalit ng coach

LIMANG coaches sa apat na taon!

Ganyan kabilis ang turover ng coaches sa kampo ng an Miguel Beer dating Petron Blaze).

Huling nagkampeon ang koponang ito sa third conference ng 36th season sa ilalim ni Renato Agustin nang talunin nila sa finals ang Talk N Text.

Kahit paano’y masasabing matamis ang tagumpay na iyon dahil sa pinapaboran ang Tropang Texters noon.   At nagtamo pa ng injuries ang ilang key players ng Petron.

Iilan lang ang nag-akalang tatalunin ng Petron ang Talk N Text.

Pero matapos iyon ay hindi na naulit ang tagumpay.

Tumagal pa ng isang taon si Agustin bilang coach ng Petron bago hinalinhan ni Rodericko “Olsen” Racela sa simula ng 38th season.

Pero dalawang conferences lang tumagal si Racela at hinalinhan naman ni Gelacio “Gee” Abanilla.

Biruin mong binitiwan ni Abanilla ang La Salle Green Archers upang hawakan ang Beermen.   Pero nabigo siya. Sa kabilang dako, ang humalili sa kanya bilang coach ng La Salle ay nagtagumpay. Naihatid ni Juno Sauler ang Green Archers sa kampeonato ng UAAP.

Muli ay dalawang conferences din ang itinagal ni Abanilla bilang head coach bago siya pinalitan ni Melchor Ravanes.

Actually, nagtulong sina Ravanes at Todd Purvis sa paghawak ng Beermen.   Pero kahit pa todo ang suporta ng management sa kanila ay wala ring nangyari.

So, sa katapusan ng 39th season ay nagluklok ng panibagong coach ang Beermen sa katauhan ni Leovic Austria .

Hindi naman basta-basta si Leo dahil sa siya ang nagbigay sa Beermen ng Kampeonato sa ASEAN Basketball League.

Pero siyempre, nasa panig ni Austria ang pressure.   Kasi, baka kapag hindi siya nakapag-deliver pagkatapos ng dalawang conferences ay mapalitan din siya!

Kailangang baguhin na niya ang kapalaran ng Beermen!

Sabrina Pascua

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *