Friday , March 29 2024

Misis ni Tallado tumakas ‘di kinidnap (Retrato, sex video ni Gov at kabit kumalat sa internet)

HINDI dinukot kundi kusang nagtago ang asawa ni Camarines Norte Governor Edgardo Tallado.

Noong Oktubre 17 ng hapon, huling nakita si Ginang Josefina Tallado kasama ang kaibigang si Darlene Francisco na sumakay sa isang kotse papuntang Brgy. Tres, Vinzons, Camarines Norte. Ngunit ang Toyota Fortuner na ginamit nila ay natagpuang abandonado sa Brgy. Napolidan, Lupi, Camarines Sur kinabukasan.

Higit apat na araw mula nang ilunsad ang paghahanap sa dalawa kasunod ng emosyonal na pangungulila ng gobernador, lumutang sa ABS-CBN News ang ginang, si Francisco at abogadong si Lorna Kapunan.

Paglilinaw ni Josefina Tallado: “Kaya po ako narito para linawin na hindi po ako nawawala at hindi po ako na-kidnap. Ang totoo pong pangyayari ay kusa akong umalis o tumakas ako sa bahay namin kasi alam kong hindi na ako safe sa sarili kong tahanan.”

Ayon sa misis ng gobernador, nagsimula ang gulo sa isang naka-post na hubad na litrato sa Facebook ng isang babaeng “kasalukuyang kinalolokohan” aniya ng kanyang asawa. Ito aniya ang naging mitsa ng kanilang away dahil siya ang pinagsuspetsahan ng gobernador na nag-post ng larawan.

Itinanggi ni Josefina na siya ang nag-post ng nasabing larawan.

Pinasinungalingan din ni Josefina na may hawak siyang kopya ng sex vi-deo ng gobernador at ng kanyang kalaguyo.

Miyerkoles nang komprontahin si Josefina ni Gov. Tallado at nakita niyang may nakasukbit na baril sa likuran nito kaya tumindi ang kanyang takot..

“‘Yun na po ‘yung alam kong baka anytime patayin niya ako or dahil sa bugso ng kanyang galit,” pahayag pa ng ginang sa pag-aming ito ang unang beses na pinakitaan siya ng baril ng mister.

Kwento ni Josefina, pinalabas niyang kinidnap siya dahil “wala na po akong ibang matatakbuhan, talagang kumbaga laban ko ito. Alam kong mahirap kasi makapangyarihan si governor.

“Sa Camarines Norte, wala akong ibang pwedeng asahan kahit kapulisan lahat kontrolado niya.”

Kaya nagdesisyon siyang umalis ng bahay kasama si Francisco.

(HNT)

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *