Thursday , March 28 2024

Kylie, madalas pagalitan ni Robin dahil pasaway?

“W OW, have fun, maraming nakahubad (girls) doon,” ito ang panunuksong sabi ni Kylie Padilla sa leading man niyang si Rayver Cruz nang makatsikahan namin ang dalawa sa grand presscon ng Dilim noong Biyernes ng gabi sa Imperial Palace, Morato, Quezon City.

Sabay dagdag ni Kylie, “kasi surfing country siya at sobrang laid-back ng mga tao.”

Nabanggit kasi ni Rayver noong gabi na patungo siya ng Australia para sa series of shows kasama ang ibang Kapamilya actors para sa TFC.

Natawa naman ang aktor sa sinabi ng leading lady niya at sabay tanong kung ano ang gustong pasalubong ni Kylie, “hmm, kangaroo!”

Natawang sagot ng binata, “hmm, bahala na, hanap ako roon, bahala na kung ano, hindi naman mahirap pasalubungan ‘to (sabay tingin kay Kylie).  Hindi naman siya mahirap pasayahin.”

Samantala, tinanong si Kylie katabi ang leading man sa pahayag ng papa Robin Padilla niya na kung puwede ay huwag muna siyang magbo-boyfriend at asikasuhin muna ang career at higit sa lahat, Muslim din dapat ang maging karelasyon ng dalaga.

Katwiran naman ng aktres, “kung si papa po ang papipiliin, Muslim po talaga at pinakikinggan ko naman po lahat ng sinasabi ni papa, pero gagawin ko pa rin naman ‘yung gusto ko sa ngayon, at saka gusto kasi ni papa, walang boyfriend-boyfriend. Sa Muslim, eh, gusto asawa agad.  So, sa ngayon career muna para makaiwas muna sa sermon niya.”

Naalala namin ang kuwento rin ng kampo ni Robin, “parating napapagalitan nga ni Robin si Kylie, hindi naman pasaway si Kylie, napakabait na bata niyan, masunurin, siguro talagang sinasabi lang niya kung ano ang nasa loob niya. Very vocal ‘yan, hindi ‘yan showbiz.”

Sa kabilang banda, hindi nakarating si Rayver sa ginanap na premiere night ng Dilim sa Trinoma Cinema 7 noong Lunes ng gabi dahil nasa Australia siya.

Reggee Bonoan

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *