Thursday , November 15 2018
Breaking News
You are here: Home / Opinion / Makaahon pa kaya si BInay?

Makaahon pa kaya si BInay?

00 BANAT alvinGrabe ang ginawang paggiba ng mga nag-aambisyong maging pangulo ng bansa kay VP Jojo Binay, na maaga ring nag-deklara ng kanyang intensyon na lumahok sa halalang pampanguluhan sa 2016.

Marami tuloy ang nagtatanong kung kaya pa kayang makaahon ni Binay sa sunod-sunod na dagok sa kanyang buhay na maituturing na rin siguro niyang pinakamabigat na pagsubok at hamon sa kanyang karerang pulitikal?

Hindi rin kasi masasabing ang kinasasadlakang unos ngayon ni Binay ay magtatapos o patapos na dahil nagsisimula pa lamang ang gibaan sa 2016 na kung saan si Binay ang nasa tuktok ng labanan.

READ MORE:  Umayaw na si Connie Dy sa politika sa Pasay

Maging ang kaalyado ni Binay ay balita nating nagkakaroon na nang pagdadalawang isip sa pagtakbo ni Binay sa pampanguluhang labanan dahil malinaw sa mga nakaka-intindi sa pulitika na kapag ang tao ay bumubaba na sa survey ay ang trend talaga nito ay magpatuloy ang pagbulusok paibaba.

Napag-alaman din natin na ang mga miyembro ng Kamara na nangakong lilipat sa kampo ni Binay ay nag-aalumpihit na ring lumipat dahil posible rin silang madamay sa pagbagsak ng rating ng pangalawang pangulo.

READ MORE:  ‘Taklesa’

Bukod sa mga mambabatas na nangako nang suporta at lilipat kay Binay, hindi na rin lumalantad sa ngayon ang mga lokal na pulitiko nauna na ring nag-commit sa pangalawang pangulo ng suporta.

Sa pinakahuling survey ng Pulse Asia na ginawa nitong ikalawang linggo ng Setyembre, bumagsak ng 15 percent ang approval rating ng pangalawang pangulo na kung saan nakakuha ito ng 66 percent mula sa dating 81 percent.

Matindi ang pinagdadaanan ngayon ni Binay sa kasalukuyan dahil ang itinanim niyang halos 30 taon sa daigdig ng pulitika ay posibleng maglahong parang bula kapag hindi nag-iba ang ihip ng hangin na mahirap mangyari sa ngayon dahil desidido ang tandem nina Senadora Alan Cayetano at Antonio Trillanes, na ipagpatuloy ang imbestigasyon maging ito man ay masasabi nating “in aid of legislation” o in aid of demolition.

READ MORE:  Swindler, Estapador alyas Lita Dimatatac wanted sa NBI

Tiyak na marami pang dagok ang dadating sa pamilya Binay at ito ang dapat nilang pinaghandaan noon pa dahil kakaiba talaga ang pulitika sa bansa, magmula nang dumating ang mga pangalang Aquino, Cayetano at Trillanes.

 

Alvin Feliciano

COMMENTS

About hataw tabloid

Scroll To Top
 

Copyright hatawtabloid.com | All Rights Reserved