Friday , March 29 2024

4 PNP directors sinibak ni Roxas

101014 PNP mar roxas

TINANGGAL at pinalitan ni Interior Secretary Manuel Roxas II ang apat sa limang District Director ng Philippine National Police (PNP) sa Metro Manila. Kabilang sa tinanggal sa pwesto, ang pinuno ng Quezon City Police District.

Sa layuning mapahusay ang kampanya laban sa kriminalidad, inaprubahan ni Roxas ang rekomendasyon ng National Capital Region Police Office (NCRPO) na alisin sa pwesto ang mga district director na sina Chief Supt. Rolando Asuncion ng Manila Police District (MPD), Chief Supt. Edgardo Layon ng Northern Police District (NPD), Chief Supt. Richard Albano ng Quezon City Police District (QCPD), at Chief Supt. Jose Erwin Villacorte ng Southern Police District (SPD).

Tanging si Chief Supt. Abelardo Villacorta ng Eastern Police District (EPD) ang nakaligtas sa balasahan.

Si Villacorta ang nakakuha ng kredito sa pagkakahuli sa 10 pulis ng La Loma Police Station, na sangkot sa EDSA “hulidap” case sa Mandaluyong City.

Si Asuncion ay pinalitan ni Senior Supt. Rolando Nana sa MPD; si Senior Supt. Joel Pagdilao ang pumalit kay Albano sa QCPD; si Chief Supt. Henry Rañola ang bagong pinuno ng NPD; at si Chief Supt. Ferdinand Miano ang inilagay sa SPD.

Bukod sa balasahan sa pwesto ng district directors, umabot 14 station commander sa Metro Manila ang inalis din sa nakalipas na tatlong buwan.

Ang PNP ay nasa ilalim ng pamamahala ng DILG.

Purisima, 11 pa iniimbestigahan ng Ombudsman (Sa maanomalyang PNP contract)

NAGBUO ang Office of the Ombudsman kahapon ng panel na mag-iimbestiga kay Philippine National Police chief, Director General Alan Purisima, ngunit hindi kaugnay sa kanyang mansiyon sa Nueva Ecija kundi sa maanomalyang kontrata na pinasok ng PNP sa courier service noong 2011.

Bukod kay Purisima, 11 iba pang ranking police officials ang iimbestigahan ng Ombudsman’s special panel, kabilang si Police Director Gil Meneses, dating hepe ng Civil Security Group (CSG), at mga dating opisyal ng Firearms Explosive Office (FEO) na sina Chief Supt. Raul Petrasanta, Chief Supt. Napoleon Estilles, Senior Supt. Allan Parreno, Senior Supt. Eduardo Acierto, Senior Supt. Melchor Reyes, Supt. Lenbell Fabia, Chief Insp. Sonia Calixto, Chief Insp. Nelson Bautista, Chief Insp. Ricardo Zapata, at Senior Insp. Ford Tuazon.

Iniutos ni Ombudsman Conchita Carpio Morales ang pagbubuo ng special panel na magsasagawa ng preliminary investigation at administrative adjudication sa dalawang magkahiwalay na reklamong inihain sa nasabing mga opisyal.

Si Purisima ay nahaharap sa dalawang kaso ng plunder kaugnay sa sinasabing tagong yaman.

Kasalukuyan siyang iniimbetigahan kaugnay sa kanyang mansiyon sa San Leonardo, Nueva Ecija, at sa kwestiyonabeng renovation ng PNP chief’s official quarters sa loob ng Camp Crame.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *