Saturday , December 15 2018
Breaking News
You are here: Home / Opinion / Inaalat si Cayetano

Inaalat si Cayetano

00 BANAT alvin

Mukhang mauunsyami ang planong pag-angat ni Senador Alan Peter Cayetano sa mas mataas na posisyon sa ating pamahalaan.

Malinaw kasi sa survey na isinagawa ng Pulse Asia na nanatiling kulelat pa rin si Mang Alan sa labanan ng pagka-pangulo o sa pagka-pangalawang pangulo ng bansa.

Sa madali’t salita, mukhang wa epek sa sambayanang Pilipino ang ginagawa nitong paggiba kay VP Jojo Binay gayung ang agenda naman ng kanyang paglalantad sa katiwalian ng pamilya ng pangalawang pangulo ay bumango sa isipan ng publiko lalo’t higit sa masang mamboboto.

READ MORE:  Sinong BI official ang sisibakin?

Maging ang milyon-milyong ginastos sa pondo ng Taguig City para sa infomercial nito sa telebisyon ay nagmistula ring walang silbi dahil hindi ito nakatulong sa kanyang pagpapapogi.

Kitang-kita sa lumabas na survey na dedma ang publiko sa gimik na ito ni Alan na asawa ni Aling Lani kaya’t dapat nang umisip ng mas kakaiba pang gimik ang mambabatas na taga-Taguig baka sakaling umangat siya ng pwesto.

Ipinakita ng pinakahuling survey ng Pulse Asia na mas lumagapak pa si Alan sa survey dahil noong June ay nakakuha siya ng 5 percent samantalang sa huling survey ng naturang kompanya na isinagawa noong ikalawang linggo ng Setyembre ay sumadsad pa ito sa 1 percent.

READ MORE:  K12 program at budget kuwestiyonable kay Cong. Pagdilao

Pursigido si Alan na maging pangulo ng bansa pero mukhang mananatili na lamang itong pangarap dahil gaya noong nakaraang senatorial polls ay inasam niya ang numero unong pwesto pero dinaig pa rin siya ni Grace Poe, na isang bagito sa larangan ng pulitika.

***

Tama ang payo ni Valenzuela City Rep. Win Gatchalian sa mga Chinoy na maging alerto at handa sa lumalalang kriminalidad sa bansa.

READ MORE:  Opisyal ng Antipolo PNP dagain

Malinaw sa mambabatas na taga-Valenzuela na hindi dapat mag-rely sa mga alagad ng batas ang mga Chinoy at sa halip ay dapat itong gumawa ng sariling hakbang para sa kanilang kaligtasan .

Ang advice ni Gatchalian ay maging pro-active ang mga Chinoy kagaya ng pagkuha ng sariling security para mailang sa kanila ang masamang loob.

Tama lamang ang suhestiyon ng kinatawan dahil kitang-kita naman kung gaano na kalala ang kriminalidad sa bansa.

 

 

Alvin Feliciano

COMMENTS

About hataw tabloid

Scroll To Top
 

Copyright hatawtabloid.com | All Rights Reserved