Pamilya sinilaban sa Basilan

SINUNOG ang tatlong miyembro ng isang pamilya sa Isabela City, Basilan.

Hinihinalang ilang araw nang patay ang mag-anak na kinilalang sina Rodelio Gonzaga, 57; Lucia, 47; at ang kanilang 11-anyos anak na si Virgilio, nang matagpuan sa loob ng kubo sa Campo Barn, Kapayawan, Isabela City.

Nabatid na katiwala ang mag-anak sa lupang kanilang tinitirhan.

Sinasabing Sabado nang makarinig ng putok ng baril ang ilang kapitbahay ng mga biktima ngunit iniiimbestigahan pa ng Scene of the Crime Operatives (SOCO) kung sa pamamaril nga pinatay ang mga biktima.

Batay sa rekord ng barangay, noong isang taon pa nakatatanggap ng banta sa buhay ang padre de pamilya dahil sa awayan ng angkan bagama’t hindi pa makompirma ang ugat ng alitan.