Thursday , March 28 2024

Daniel, na-traydor sa sariling bahay

082314 daniel padilla

00 fact sheet reggeeHINDI maganda ang mga nababasa ngayon tungkol kay Daniel Padilla dahil may ibang babae na raw ito kaya nagkaroon umano sila ng gap ni Kathryn Bernardo base sa na-post sa social media.

Tinanong namin ang ina ni Daniel na si Karla Estrada tungkol dito dahil nangyari ito sa bahay nila.

“Hi ate Reggs, oo nga, eh kaya sobrang nag-alala ako talaga for DJ kasi nga rito sa bahay namin nangyari.

“Wala kasi ako that time, itong si DJ nag-imbita ng mga kaibigan niya.  Ganito usually ang ginagawa ni DJ kapag may libreng oras nagpapapunta ng mga kaibigan niya para rito na lang sila gumimik.

“‘Yung bakanteng lote namin sa katabing bahay, ginawang basketball court at bilyaran.

“Eh, usapang mga lalaki kuwentuhan tungkol sa mga babae, hayun, isa sa inimbitang akala kaibigan ay ini-record ‘yung usapan nila at saka ipinost sa social media.

“Kaya nga pinagsabihan ko si DJ na hindi lahat ay kailangan mong pagkatiwalaan. ‘Dapat mag-iingat ka sa mga pinapupunta mo sa bahay natin kasi bahay mo ito, eh, paano kung may gawin sa mga kapatid mo, puro babae pa naman’.

“Isipin mo ate Reggs, nasa bahay na nga lang si DJ, nagagawan pa ng isyu, eh, ‘di how much more kung lumabas ‘yan, lahat gagawin para sirain siya,” mahabang paliwanag ng aktor.

Sino ba ang babaeng tinutukoy daw ni DJ na nai-record?

“Wala naman particular na binanggit, kasi nga usapang lalaki, biruan, mga ganoon. Maraming crush si DJ, siyempre bata pa, pero kita mo naman, sa iisang babae lang siya talaga nakatutok.

“Porke’t Padilla kasi, akala ng lahat, babaero, hindi naman dahil simula naman ng nag-showbiz ang anak ko, si Kathryn lang naman ang tinututukan niya.

“‘Di ba ‘pag usapang lalaki, ang pagkukuwentuhan mga babae, eh, mas lalo akong mag-aalala kung lalaki rin ang pinag-uusapan nila, eh, iba na ‘yun.

“Mas malala pa nga tayong mga babae, kasi sobra ang usapan natin tungkol sa mga lalaki.

“Kung mapakikinggan mo ang usapan nila, nakakatawa, mga bata pa talaga at alam mong hindi seryoso.

“‘Yung kaibigan na nag-record ay kasama na ni DJ noong nasa condo pa kami sa Mandaluyong, eh, since nakakasama, akala kaibigan niya.

“So, hayun sa sariling bahay namin siya trinaydor.  Sabi ko nga, ‘sinadya ‘yun para sirain ka (Daniel).  Sabi ko nga, sino ba namang matinong tao ang makaka-isip ng ganoon, kundi ang may criminal mind’.

“Kaya bilin ko talaga sa anak ko, mag-ingat siya sa mga kaibigang pinagkakatiwalaan lalo’t pinapapasok niya sa bahay namin,” mahabang paliwanag ng nagbabalik na aktres/singer.

Wala raw problema o gusot sina DJ at Kath dahil naipaliwanag nang mabuti ng batang aktor ang nangyari at natatakot nga raw ang batang aktres dahil posible palang mangyari iyon sa mga nakapaligid sa kanila.

“Hindi naman nagalit o naapektuhan si Kathryn kasi alam niyang walang isyung dapat pag-usapan. Malawak naman ang pang-unawa niya,”sabi ng nanay ni Daniel.

ni Reggee Bonoan

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *