Thursday , March 28 2024

Philharbor nakikiramay sa pamilya ng mga namatay sa trahedya

091914 condolences flowers
NAKIKIRAMAY ang pamunuan ng Philharbor Ferries & Port Services, Inc. (Philharbor), ang operator ng M/V Maharlika 2, sa mga pamilya ng mga pasaherong nasawi sa aksidente sa karagatan na kinasasangkutan ng sasakyang pandagat na pagmamay-ari nila nitong Setyembre 13 (2014).

Tiniyak nito na simula pa lamang sa unang araw ay nagpaabot na sila ng tulong pinansiyal sa mga survivor, at pamilya ng mga namatay sa insidente para sa transport needs, medical bills at mortuary expenses.

Nagpasalamat din ang Philharbor sa mabilis na pagdating ng search and rescue operation na naging dahilan upang mas maraming survivors ang mailigtas.

Kabilang anila sa mga unang nagresponde ang kanilang Maharlika 4, iba pang vessels at fishing boats, PCG, Philippine Navy, local government units at iba pang pribadong sektor.

Siniguro rin ng Philharbor na patuloy ang isinasagawang imbestigasyon sa insidente at hindi anila ititigil hanggang hindi nareresolba ang lahat ng isyu sa pangyayari.

Matatandaang patungo sa Liloan, Leyte, mula sa Lipata, Surigao ang MV Maharlika 2 dakong 11:30 a.m. nang lumubog lulan ang may 81 pasahero at 32 crew members o kabuuang 113 katao at mga rolling cargoes.

May clearance din umano sa PCG ang paglalayag ng naturang sasakyang pandagat bago maganap ang insidente makaraang makasalubong ang malalaking alon sa karagatan.

Inihayag rin ng Philharbor na ang lumubog na barko ay may kapasidad na 403 persons, at kayang mag- accommodate ng labingdalawang 6-wheeler trucks o mga pampasaherong bus at limang  light cars.

Mayroon umano itong 12 inflatable at 6 rigid life rafts na kayang magkarga ng 25 katao bawat isa at kompleto sa mga life saving devices, alinsunod sa requirements ng Safety of Life at Sea (SOLAS) at ng Maritime Industry Authority (MARINA), kaya’t handa umano sa mga kahalintulad na insidente. (HNT)

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *