Thursday , March 28 2024

Kurikit (Ang Duwendeng Makulit) (Ika-17 labas)

00 duwende_logo

NAPUPUSUAN MAN NI KURIKIT SI MONICA IPINANGAKO NIYANG HINDI GAGAMIT NG MAHIKA PARA RITO

“Oo nga, Kuya…Ba’t di mo siya ligawan?” panunulsol naman ni Abet na pumogi at naging mabulas ang pangangatawan sa ganap na pagbibinata.

“At boto ako kay Monica para sa iyo, anak…” ang hirit ng nanay-nanayan ni-yang si Aling Rosing.

Napangiti lang si Kurikit. Kung tutuusin kasi ay hindi na niya kailangan pang manligaw para magustuhan siya ni Monica. Pwede kasi niyang mapaibig at maging nobya kapag ginusto niya. Pero hindi siya magiging maligaya sa gayong pamamaraan. Ibig niyang ibigin din siya nito bilang simbuyo ng katugong damdamin sa kanya. At mas pinili pa niyang makipag-kompetisyon kina Aljohn at Frederick sa panliligaw sa dalaga kaysa gumamit ng kapangyarihan.

Pero paano nga ba niya pasisimulan ang pagpaparamdam ng pag-ibig kay Monica? Dapat ba niyang daanin iyon sa mga panunuyo? Halimbawa’y sa pamamagitan ng pagreregalo ng kotse o ng bahay at lupa? Pero isang anyo ng corruption iyon sa pagkatao ng dalaga. Siya mismo ay tutol sa gayong sistema.

Dinalaw niya sa bahay si Monica kina-gabihan. Dinatnan niyang bisita si Frede-rick. Mukhang seryosohan ang pag-uusap ng dalawa sa sala ng bahay. Nagsa-invisible siya. Pinakinggan niya ang palitan ng mga salitaan ng dalaga at ng binatang nanliligaw.

“Hindi ko matatanggap ito…” ang sabi ni Monica na nagsauli sa kamay ni Frede-rick ng singsing na may palamuting diamante.

“B-bakit naman?” naitanong ni Frede-rick sa paglamlam ng mukha.

“Hindi ko naman kasi birthday… Ano ang okasyon para bigyan mo ng regalo?” mata-sa-matang nasabi ni Monica sa kaharap na binata.

“M-mahal kita… H-hindi pa ba sapat na dahilan ‘yun?” ani Frederick sa pagkakagat-labi.

“May boyfriend na ako, ‘di ba?” pagtatapat ng dalaga.

“A-alam ko…” pag-amin ni Frederick. “Ipinaglalaban ko lamang ang aking karapatan.,,”

“Bahala ka…” sambot agad ni Monica. “Kaya nga lang ay ayoko na sanang magpagod ka pa…”

“Susuko lang ako kapag kasal na kayo ng boyfriend mong si Aljohn…” ang pani-nindigan ng binata.

Humanga si Kurikit sa matatag na fighting spirit ni Frederick.

(Itutuloy)

ni Rey Atalia

About hataw tabloid

Check Also

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Further Forward 2024 DOST-TAPI opens funding programs for local inventors, entrepreneurs

Further Forward 2024: DOST-TAPI opens funding programs for local inventors, entrepreneurs

The Technology Application and Promotion Institute (DOST-TAPI) launched the Call for Abstracts for its Invention …

Leave a Reply

Your email address will not be published. Required fields are marked *