Friday , March 29 2024

Maria Leonora Teresa, pinakamalaking horror movie event ng taon

090514 Maria Leonora Teresa

SA kauna-unahang pagkakataon sa kasaysayan ng Pinoy cinema, nakipagsanib-puwersa sina Iza Calzado, Zanjoe Marudo, at Jodi Sta. Maria, tatlo sa pinaka-critically acclaimed na mga aktor ng kanilang henerasyon, kasama ang blockbuster direktor na si Wenn V. Deramas sa Star Cinema, ang nangungunang film production outfit sa bansa, sa nalalapit na mainstream theatrical release ng Maria Leonora Teresa, ang pinakamalaking horror movie event ng kasalukuyang season.

Lilihis ng panandalian si Deramas sa genre ng komedi na siyang dahilan kung bakit siya napamahal sa milyon-milyong Filipino at minamarkahan niya ang unang pagsabak sa horror habang tinatahi ang isang kakaibang istorya ng katatakutan at drama sa Maria Leonora Teresa, na bahagi ng engrandeng selebrasyon ng Star Cinema ng ika-20 anibersaryo nito.

Sa panulat ni Keiko Aquino, magkakatotoo ang bangungot ng bawat magulang saMaria Leonora Teresa. Ang makabagbag damdaming horror na ito ay nakasentro sa mga buhay ng tatlong ina na ‘di inaasahang magiging konektado sa isa’t isa matapos mamatay ang kanilang mga anak dala ng isang aksidente. Labis-labis na nagluksa ang mga inang sina Faith, Julio, at Stella dahil sa trahedyang kanilang sinapit. Gagawin ng mga ina ang lahat ng kanilang makakaya upang manatiling buhay ang alaala ng kanilang mga anak na babae. Humingi sila ng tulong sa isang doktor na binigyan sila ng mga manika na kamukha ng mga anak nilang babae na sumakabilang buhay na. Kakaiba man ang solusyon na hatid ng doktor, tinanggap ito ng mga desperadang ina. Malalaman ngayon ng mga ina kung tunay silang matutulungan ng mga manika o kung magdudulot ang mga ito ng makatindig-balahibong kakatakutan sa kanilang mga buhay.

Gagampanan naman ng tatlo sa pinakamahuhusay na child actresses na sina Red Bustamante, JC Movida, at Juvy Bison ang title roles nina Maria, Leonora, at Teresa.

Ipalalabas na ang Maria Leonora Teresa sa lahat ng mga sinehan sa buong bansa simula ngayon Setyembre 17.

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *