Friday , March 29 2024

2 pulis-Malolos timbog sa kidnapping

MATAPOS maalarma nang malaman na nakabuntot na sa kanila ang mga operatiba ng Caloocan City Police, dalawang pulis-Malolos, Bulacan, na nahaharap sa kasong kidnapping ang sumuko sa kanilang opisyal, iniulat ng pulisya kahapon.

Agad dinala sa kustodiya ng Caloocan City Police ang mga suspek na sina PO1 Danilo Sytamco, Jr., at PO3 Xerxes Martin, kapwa nakatalaga sa Malolos Police Station.

Setyembre 8,  dakong 4:00 p.m. , katatapos lamang dumalo sa pagdiriwang ng Moon Cake Festival sa Malabon City, nang dukutin ng mga suspek ang Chinese national na si Lin Hanzhang, nanunuluyan sa Carriedo St., Sta. Cruz, Maynila, habang nasa ilalim ng Light Railways Transit (LRT), Monumento Station, Caloocan City.

Sa imbestigasyon, pauwi sa kanyang bahay ang biktima nang dikitan ng dalawang suspek saka sapilitang ipinasok sa puting sasakyan saka kinuha ang suot na mga alahas at pera.

Habang hawak ng mga kidnapper, humingi ng P10-milyon ransom ang mga suspek kapalit ng kalayaan ng biktima na nauwi sa P3.5 milyon.

Habang hinihintay ng mga suspek ang magdadala ng ransom money, nakapuslit ang biktima na nakapagtago sa matalahib at liblib na lugar sa Bulacan hanggang makasakay ng jeep pauwi sa kanilang bahay.

Agad inireport sa mga pulis ang nangyari kaya inalarma ang puwersa para maaresto ang mga suspek pero bago pa isagawa ang operasyon ay sumuko na ang dalawa.

(ROMMEL SALES/MICKA BAUTISTA)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *