HATAW! D'yaryo ng Bayan hatawtabloid.com
KAILAN nga ba ibabalik ang Pilipinas Got Talent?
Kaya namin ito naitanong ay dahil maraming nagtatanong sa amin kung may plano pa raw bang ibalik ang nasabing reality talent show.
Itong mga nagtatanong sa amin ay hindi ang pagkanta ang talent nila kaya siguro mas type nila angPGT kaysa The Voice at Pinoy Big Brother na open na for audition.
Oo nga naman, maraming nakaka-miss na sa tandem nina Mr. Freddie M. Garcia o FMG, Ai Ai de las Alas, at Kris Aquino.
Nagtanong kami sa TV executive na in-charge sa PGT pero hindi kami sinagot.
Sabi naman ng taga-production ay, “baka po next year kasi nagbi-brainstorming na ang mga staff for the audition, ‘am not sure lang kung anong quarter ipapasok. Marami na rin pong inquiries na natatanggap kung kailan ang ‘PGT’, actually.”
In fairness, masaya kasi ang PGT lalo na kapag kakaiba ang talent ng mga nag-audition na naging katawa-tawa dahil na rin sa kagustuhan ng may katawan.
‘Yun nga lang, halos lahat ng grand winner ng apat na season ng PGT ay pawang singers ang nanalo tulad nina Jovit Baldivino, Marcelito Pomoy, Maasinhon Trio, at si Roel Manlangit.
Parang The Voice rin lang ang peg, ‘di ba?
ni Reggee Bonoan
