Thursday , March 28 2024

Direk Wenn, tiniyak na makapanindig balahibo ang Maria Leonora Teresa

090514 wenn deramas

ni Nonie V. Nicasio

FIRST horror movie ng box office director na si Wenn Deramas ang pelikulang Maria Leonora Teresa. Aminadong napagod siya nang husto sa pelikulang ito ng Star Cinema na showing na sa September 17.

“Yes, first and last na horror film na gagawin ko,” pabirong saad ni Direk Wenn nang makapanayam namin sa shooting ng naturang pelikula sa Himlayan Memorial Park. Tinatampukan ang Maria Leonora Teresa nina nina Jodi Sta. Maria, Zanjoe Marudo, at Iza Calzado.

“Mahirap kasi talaga gumawa ng horror film. Talagang pinagbigyan ko lang ang sarili ko dahil una sa lahat, concept ko ito since 2005. Una ko itong ipi-na-approve sa TV sa ABS-CBN. Pero sa rami rin ng pinagagawa nila sa akin, dahil napauso ko ‘yung fantaserye, mas concentrate ako roon, nakalimutan lang ang concept na ito,” dagdag pa niya.

Pero aminadong sobrang exhausted siya sa pelikulang ito, unlike sa mga comedy mo-vies na madalas niyang ginagawa.

“Madugo, madugo itong ginawa ko. Sabi ko nga sa sarili ko, parang mas kaya ko ng tatlong comedy nang sabay-sabay, kaysa isang horror na Maria Leonora Teresa.

“Pero habang pinanonood ko naman iyong mga natapos ko nang eksena kahapon na edited at nilapatan na ng music, sabi ko sa sarili ko, ‘Ang sarap ng pakiramdam ko dahil alam ko nakagawa ako ng maganda at tama sa buhay ko.’”

Tiniyak pa ng box office director na sigurado siyang nakakatakot at makapanindig ba-lahibo ang pelikulang ito.

“Una pa lang ‘no, sa atin kapag kuwentuhan pa lang, kapag sinabi mong namatay ang mga anak at ang ipinalit ay ma-nika, ang creepy na agad, ‘di ba? What more kapag sinimulan mo na iyang i-execute, gamitin mo na iyang mga elemento para makapanakot…

“Gusto ko lang ng iba, ng ibang klaseng horror. Usually kasi, it’s either na pumapatay lang or buhay na tao. Or iyong talagang horror na may multo, may ganyan, may aswang.

“Ito, pinilit kong ipag-combine iyong dalawang klase, iyong supernatural at iyong kayang gawin ng buhay na tao.”

Ayon pa kay Direk Wenn, ang sarili niyang pulso ang ginagamit niya para malaman kung magugustuhan ng audience ang ginagawa niyang pelikula. Lalo na raw at mahilig talaga siya sa mga horror films kahit na noong bata pa siya.

“Oo, kasi nga mayroon akong standard din sa horror, kasi nga fan ako ng horror films. Napakahilig ko talagang manood, e. Bago pa ang comedy at drama, ako horror agad ang papanoorin kong pelikula.

“Tatlong taon pa lang ako, nanonood na ako ng pelikula. At ang unang-unang Tagalog film na natatandaan ko sa sinehan ha, hindi sa TV. Kasi mahilig din ako sa TV, ay ang Blue Hawaii nina Ate Guy and Pip. Kasi, solid Noranian ang nanay ko, e.

“So, mayroon din akong standard na si-net ko para sa sarili ko kung ano iyong gusto kong horror. Siyempre kung first horror film mo, dapat pagbutihin mo, para masabi mo na, okay na ako at balik na ulit ako sa paggawa ng comedy,” nakangiting saad pa niya.

Nagbigay din si Direk ng kaunting background ukol sa Maria Leonora Teresa.

“Ang Maria Leonora Teresa kasi ay istorya ng tatlong nanay. ‘Yung isa nga lang bakla, played by Zanjoe Marudo. Iikot ang buhay ng mga nanay na ito sa kani-kanilang anak, kaya noong mawala ang kanilang mga anak, talaga na-mang shattered sila.

“Kasunod niyon, parang wala na silang ganang mabuhay. May nagsabi ‘Bakit instead na picture ang titingnan mo, bakit hindi replica ng anak mo? Iyon nga iyong mga manika. They grabbed the opportunity na makawala lang doon sa sakit. Hindi nila alam na mas matindi palang problema iyong papasukan nila noong tinanggap nila iyong tatlong manika.”

Ayon pa kay Direk, sulit ang ibabayad ng mga manonood sa pelikula nila dahil ibang klaseng horror movie ito.

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *