Tuesday , March 19 2024

Talamak na pergalan sa Cavite

00 firing line robert roque

ANG perya ay tradis-yon o kostumbre na sa ating bansa noong wala pa ang mga entertainment center na tulad ng Star City at Boom na Boom na parehong nasa Roxas Boulevard sa Pasay City.

Kadalasang makikita ang perya kapag piyesta sa isang bayan. May rides dito, katulad ng Ferris Wheel at Horror Train, at may bingguhan din.

Ito rin ang tinatawag sa English na “mini fair” na binibigyan ng munisipyo o siyudad ng lisensiya para mag-operate. May insurance rin ang rides nito. Dahil may kaukulang permit, nagbabayad ito ng amusement tax sa gobyerno kaya hindi naman ipinagbabawal.

Magiging bawal lang ang perya kung sasamahan ito ng mga tagapangasiwa ng mga ipinagbabawal na sugal, tulad ng “drop balls” at “color games”. Ang ganitong uri ng mini fair ay binansagang “Pergalan”—o kumbinasyon ng perya at sugalan.

Dahil sa pagiging ilegal at malaking kinikita sa pergalan, may lingguhang lagay ang mga may-ari nito sa iba’t ibang sangay ng pulisya.

Ayon sa aking mga espiya, ilang pergalan ang nakapuwesto sa Cavite. Isa rito ay mata-tagpuan sa tabi ng isang fast food chain sa Bacoor-Zapote at pag-aari ng isang “Emily”.

Mayroon ding isang puwesto sa EPZA sa Rosario na pinatatakbo naman ng isang “Egay”.

Isang alyas “Jessica” naman ang may pergalan sa may palengke ng Tanza, samantalang itong si Baby Panganiban ang nakapuwesto sa GMA, Cavite.

Mayroong “puesto piho” rin si alyas Tessie Rosales sa palengke ng Silang, Cavite.

Itong si Tessie umano ang tinaguriang “Reyna ng Pergalan” dahil hindi lang sa Cavite ang puwesto niya. Nakaabot na rin ang Reyna sa Batangas at Quezon.

Kaya raw nagsusulputan na parang kabute ang mga pergalan, bukod sa iba pang klase ng mga sugal tulad ng lotteng at sakla, ay dahil umiikot ang isang “Landong Bulag” para kay “Sarhento Marlon” upang mangolekta ng “tong.”

Alam kaya ito ni Senior Superintendent Joselito T. Esquivel Jr., Cavite PNP director?

May ginagawa ba ang mga hepe ng pulis sa Bacoor, Rosario, Tanza, GMA at Silang?

Abangan ang susunod na kolum sa Huwebes!.

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

Robert B. Roque Jr.

About hataw tabloid

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *