Tuesday , March 19 2024

Ikakasal sa ex sa panaginip

00 Panaginip
Gud pm sir,

Nanagnip po ako na ikksal ako sa ex-BF ko, pero parang kumbga ay may gap kami dhil wlang formal break up s amin, kya mdalas iniiwsan ko sya dhil malpit lng haws nmin s kanila. Bkit po ba gnun? Slamat po-rosenda, wag nyo n lng papablish ang cell ko…!

To Rosenda,

Ang panaginip ukol sa kasal ay maaaring nagsasaad ng hinggil sa commitment, harmony o transitions. Ito ay nagpapakita rin na ikaw ay sumasailalim (o sasailalim) sa isang mahalagang kabanata sa iyong buhay. Ang panaginip mo ay posibleng nagsasabi rin ng pagsasama ng mga aspeto ng iyong pagkatao na noon ay magkakasalungat. Tignan ang mga katangian ng taong napanaginipan mong iyong pakakasalan o naging asawa dahil maaaring kailanganin mong isama sa iyong pagkatao ang mga karakteristik na ito.

Kapag nanaginip na nagpakasal ka sa ex mo, ito ay nagpapakita rin na tinanggap mo na ang mga aspeto ng inyong relasyon at natuto ka na sa mga nakalipas na pagkakamali na may kaugnayan dito. Alternatively, nagsasaad din ang bungang-tulog mo ng pagkakahawig sa kasalukuyang karelasyon (kung mayroon man), sa naging relasyon ninyo noon ng iyong ex o sa dating karelasyon. Gayunman, dahil alam mo na ang mga pagkakapareho o pagkakahawig na ito, ito ay nagsisilbing paalala rin sa iyo upang huwag nang maulit ang mga pagkakamaling nagawa noon na nagbigay sa iyo ng labis na sakit at pighati. Ang panaginip mo ay maaaring nagbabadya rin ng paparating na kaligayahan na mararanasan tulad ng sa isang maayos at buong pamilya. Subalit depende rin ito kung tunay at busilak talaga ang damdamin ninyo para sa isa’t isa ng lalaking magiging asawa mo eventually. Posibleng ang isa pa sa dahilan ng panaginip mo ay dahil may pagtingin ka pa rin sa dati mong kasintahan. Kung madalas kasi siyang laman ng iyong isipan, natural lang na malaki ang posibilidad na mapanaginipan mo siya. At ang posibleng dahilan din kung bakit siya laging nasa isip mo ay dahil may damdamin ka pa rin sa kanya. Subalit, maaari rin namang kaya sumagi siya sa panaginip mo ay dahil sa mga bagay na nag-trigger lang kaya siya lumabas sa iyong bungang-tulog. Ang mga halimbawa nito ay ang makita mo ang dating larawan ng iyong ex, maalala o makita ang dating regalong galing sa kanya, ma-meet o maalala mo ang mga dating kaibigan o kakilala ninyo, ang mapagawi ka sa lugar na madalas ninyong puntahan noon, ang marinig ang dating themesong ninyo at mga katulad nito. Ang panaginip mo ay maaaring nagsasaad din ng frustrations at disappointments sa iyong sarili o sa ilang mga sitwasyon na wala kang kontrol. Nagpapakita rin ito na mas nabibigyan ng diin ang repress at negatibong damdamin o nailalabas o naitutuon sa iba ang galit mo. Kailangang tignan at pagmalasakitan mo ang iyong sarili upang mas magkaroon ka ng kontrol sa iyong emosyon at mahanap mo ang tunay na kaligayahang nais mo.

Señor H.

About hataw tabloid

Check Also

Krystall Herbal oil FGO Fely Guy Ong

Kulugo nalusaw sa Krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Good morning …

Chuan Kee Gerie Chua Francis Zamora

‘Chuan Kee, Ang alamat sa Binondo, nasa San Juan na!’

Ito ang pahayag ni San Juan Mayor Francis Zamora sa kanyang pagdalo bilang panauhing pandangal …

SM Bulacan malls, BFP matagumpay na naglunsad ng Fire Safety Initiative para sa National Simultaneous Fire Drill

SM Bulacan malls, BFP matagumpay na naglunsad ng Fire Safety Initiative para sa National Simultaneous Fire Drill

NAKAAYON sa Fire Prevention Month, ang National Simultaneous Fire Drill ay isinagawa sa SM Bulacan …

Krystall B1B6, Krystall Herbal Oil

Arthritis ni Inang payapa sa Krystall Herbal Oil at Krystall Vit. B1B6

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

DOST, PLGU-LDN provide plant growth promoter to rice farmers affected by Shear Line

DOST, PLGU-LDN provide plant growth promoter to rice farmers affected by Shear Line

To boost local rice farmers’ productivity and support their recovery from the Shear Line, the …

Leave a Reply

Your email address will not be published. Required fields are marked *