Tuesday , March 19 2024

Christine Bersola, apektado sa awayan at murahan sa Face The People

090114 Tintin edu Gelli

ni Nonie V. Nicasio

AMINADO si Christine Bersola-Babao na maraming instance na naaapektohan siya sa mga mga tinatalakay nilang kaso o pangyayari sa kanilang programang Face The People ng TV5.

“Ako iyong iyakin ngayon sa grupo namin, kasi si Gelli (de Belen) ay napagdaanan na niya lahat iyan e. Kasi, dalawang taon na siyang nagho-host. Ako iyong bago, tapos si Edu (Manzano) ang pinakabago.

“Ako pa rin ‘yung umiiyak, ako pa rin iyong bumibigay… Ako pa rin ‘yung kapag umuuwi, hindi ko siya ma-shake-off sa system, na kailangan kong ikuwento nang ikuwento sa ibang tao para mailabas ko. Kasi, apektadong-apektado pa rin ako sa mga istorya, hanggang ngayon,” saad ni Tintin (nickname ni Christine).

Although medyo nasasa-nay na raw siya, pero hindi pa rin daw niya mapagtanto kung bakit may mga anak na namumura nang harapan ang kanilang mga magulang.

“Medyo nasasanay na ako, pero at the same time, naaano ko na, ‘Bakit may mga ganoong tao na kaya niyang murahin nang harap-harapan ang kanilang ina, ama… ‘PI mo,’ nagduduruan…

“Doon pa rin ako parang, ‘Bakit may ganoon?’ Pero iyon ang reyalidad, na-accept ko na, na iyon ang reyalidad dahil iyon ang nakagisnan nila e, ‘di ba?” Seryosong pahayag pa niya.

Ang Face The People ay mula sa pamamahala ni Direk GB Sampedro at napapanood araw-araw sa Kapatid Network sa ganap na 10:15 AM.

Samantala, natutuwa namang ibinalita ni Tintin ang kanilang bagong segment sa Face The People na tinawag nilang Happy Change.

“Sobrang happy, kasi may segment siya na gustong-gusto ko talaga. Happy Change yung tawag. Kasi noong Season 1 and 2, ina-address namin yung problems, ‘di ba yung mga case studies namin, mga problema nila sa buhay?

“Pero eto, nag-level-up na. Dahil hindi na ito basta upakan sa set, sabunutan, or murahan sa set. Pero sa Happy Change, ipinapakita namin na hindi lang may solusyon sa problema dahil hindi lang sila pinapayuhan sa aming Konsensiya ng Bayan. Pero tinutupad namin yung mga munti nilang pangarap sa buhay.”

Ipinaliwanag pa niya kung bakit sila nagkaroon ng segment na Happy Change.

“Kasi ‘di ba, minsan nakakasawa na paulit-ulit na lang yung mga problema ng mga mahihirap? Alam natin yon, so ano ang puwedeng gawin ng show para ma-address yung problem?

“Siyempre parang hindi complete na hanggang payo na lang e. Kailangan, talagang may gawin ka,” kuwento pa niya.

Sinabi rin ni Tintin na may mga lumalapit sa kanila para gawing instrumento ang programa nila para maayos ang mga problemang pampamilya.

“May mga lumalapit talaga rito sa show na gusto nilang dito magtapat. Iyong pagre-reveal ng mga sikreto nila. Kasi, kapag sa bahay daw nila ginawa iyon, baka magpata-yan ang mga anak.

“Tulad ng… mayroon ka-ming istorya na ‘yung nanay ay may dalawa siyang anak na lalaki, tapos ay nag-switch ng kani-kanilang partner. Hindi pa asawa, kinakasama pa lang, e.

“So sabi ng nanay, ‘Imagine, kung sa bahay ko ginawa iyan na nagtapat sila, baka nagpatayan iyong magkapatid.’ Pero dahil dito ginawa, mas guarded sila, mas careful, kasi may mga tao na nanonood, na nasa TV sila. “So, naayos namin iyong problema na walang nagpata-yan,” mahabang litanya pa ng Kapatid TV host.

About hataw tabloid

Check Also

blind item

Male sexy star sustentado ng showbiz netizen

ni Ed de Leon MAY tsismis na nagkita raw muli ang isang dating male sexy star at …

Heart Evangelista Chiz Escudero

Heart muling dinamdam ‘di natuloy na ‘pagbubuntis’

HATAWANni Ed de Leon INAMIN ni Heart Evangelista na talagang sumama ang kanyang loob nang hindi magbunga …

Andres Muhlach Atasha Muhlach Juliana Gomez

Atasha, Andres, Juliana umaarangkada ang mga career

HATAWANni Ed de Leon UMAARANGKADA ngayon ang anak ng mga artista. Iyong kambal ni Aga Muhlach na …

Brandon Melo Take Me To Banaue Maureen Wroblewitz Thea Tolentino

American actor Brandon Melo nagtatalon nang makita ang Banaue 

RATED Rni Rommel Gonzales TUWANG-TUWA ang American actor na si Brandon Melo sa pagkakataong ibinigay sa kanya …

Rio Locsin Ruru Madrid

Rio sa wagas na paghagulgol — ‘di ako makabitaw sa napakataas na emosyon

RATED Rni Rommel Gonzales NAGBIGAY ng paglilinaw si Rio Locsin tungkol sa nag-viral niyang video na wagas …

Leave a Reply

Your email address will not be published. Required fields are marked *