Salon owner todas sa gunman

TODAS ang isang salon owner nang barilin nang malapitan ng isa sa dalawang ‘di nakikilalang suspek habang nasa loob ng kanyang parlor sa Molino Road, Barangay San Nicolas 2, Bacoor City, lalawigan ng Cavite.

Sa ulat na tinanggap ng Bacoor City PNP, kinilala ang biktimang si Redentor Ramos, Jr., 61, may-ari ng Red Ram Beauty Salon, ng Block 14, Lot 18, Diego Silang St., Phase 3, Soldiers Hills 4, Barangay Molino 4, ng nasabing siyudad.

Tumakas ang mga suspek na walang sinoman ang nakakakilala. Nasa pagitan ng edad 40-45-anyos, may taas na 5’7-5’9, nakasuot ng blue na helmet; gray jacket, faded maong pants at armado ng maiksing baril ang gunman, habang ang look out ay nasa edad 50-55; may taas na 5’7-5’9, nakasuot ng dirty white jacket at maong pants.

Sa imbestigasyon ni PO3 Michael Legaspi, Jr., bandang 8:45 p.m. nakikipag-usap ang biktima sa kanyang mga empleyado sa loob ng parlor, nang biglang pumasok ang isa sa suspek na armado ng baril.

Agad nilapitan ang biktima saka pinaputukan bago tumakas kasama ang look out.

(Beth Julian)