Thursday , March 28 2024

Ano ang mangyayari ‘pag wala si Adeogun sa San Beda?

00 SPORTS SHOCKED
MALAKING bagay talaga para sa defending champion San Beda Red Lions si Olaide Adeogun kung nais nilang mapanatili ang kampeonato sa 90th season ng National Collegiate Athletic Association (NCAA).

Iba siyempre kapag mayroon kang tinatawag na ‘tower of Power” sa gitna. Mahalaga na ma-control ang rebounds sa bawat laro, e. Kumbaga’y tumataas ang kompiyansa ng lahat kapag alam nilang may kukuha ng rebounds sakaling magmintis ang tira nila. Matapang din sila sa depensa dahil hindi basta-basta makakapasok sa shaded area ang kalaban.

So, ano ang mangyayari kapag nawala si Adeogun?

Well, nasagot ito noong Miyerkoles nang matalo ang Red Lions sa Letran College Knights sa pagtatapos ng first round ng eliminations.

Bunga ng pagkatalo ay nakatabla ng Red Lions sa unahan ang Arellano University Chiefs.

Si Adegun ay hindi pinaglaro ni coach Boyet Fernandez dahil sa hindi ito nakipag-ensayo sa Red Lions nang tatlong beses.

Dinisiplina siya ni Fernandez. At nasabi nitong hindi porke’t superstar si Adeogun at kailangan siya ng team ay puwede na siyang lumiban sa ensayo.

Na siyang tama.

Sa Ingles, “No one is greater than the team.”     Well, eye-opener para sa Red Lions ang nangyari.

Hindi naman natin sinasabing matatalo na ang Red Lions kapag hindi naglaro si Adeogun hanggang sa dulo ng season.

Mananalo pa rin naman sila at puwedeng mapanatili nila ang korona. Kailangan lang na mag-adjust sila sa kanilang bagong roles at patterns. Hindi lang sila handa noong Miyerkoles, e.

Marami namang ibang malalaking manlalaro ang San Beda na puwedeng pumapel sa pinapapelan ni Adeogun.

Pero teka, mukhang okay na si Adeogun. Mukhang nag-eesayo na siya.

So, balik normal ang Red Lions!

Sabrina Pascua

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *