Friday , March 29 2024

Direk GB Sampedro, handang pakasalan si Ritz Azul!

070214 Direk GB Sampedro ritz
ni Nonie V. Nicasio

TAONG 2006 nang simulang buuin ni Direk GB Sampedro ang pelikulang Separados, isa sa entry New Breed category para sa Cinemalaya 2014 na magsisi-mula na sa August 2 sa CCP, Greenbelt Makati, Alabang Town Center, Trinoma at Fairview Terraces.

Aminado si Direk GB na may hawig ang istorya niya sa six main characters dito na hiwalay sa asawa, except iyong character ng closet queen.

“I got separated noong year 2005 at yes, hawig sa true story ko ang kuwento nito, except lang doon sa closet queen which is based on the story of some of my friends,” nakangi-ting saad niya.

“Ang makikita dito ng viewers, eto yung male point of view e, eto ‘yung other side of the story. Makikita rito kumbaga, iyong mga hindi nata-tackle sa mainstream cinema.

“Kasi normally kapag may naghiwalay sa isang pelikula, ang dahilan, dahil ang lalaki ay nagloko. Pero minsan nambababae ang lalaki, dahil… So, iyong ‘dahil’ iyon ang nakalilimutan natin. ‘A kasi, addict iyong lalaki e…’ Pero nakalilimutan natin, naging addict iyong lalaki, kasi… iyong ‘kasi’ ang nakakalimutan natin e.

“Kumbaga, hindi naman natin bine-blame iyong babae, pero it takes two to tango sa isang relasyon, dalawa iyan e. So, this is reality ng relasyon na hindi naman nagtatapos ang relasyon na isang tao lang ang may kasala-nan. Hindi ko rin sinasabi na babae lang, dalawa lagi iyan,” dagdag pa ni Direk GB.

Tungkol naman sa mga bida sa Separados na sina Alfred Vargas , Victor Neri, Jason Abalos, Erik Santos, Anjo Yllana, at Ricky Davao, nasabi ni Direk GB na satisfied siya sa kanilang performance rito.

“Oo, wala akong masasabi sa kanila, napaka-supportive nila, walang may ere diyan… wala kaming naging problema sa shooting e.”

Hinggil naman sa kanyang love-life, nasabi ni Direk GB na isa siyang hopeless romantic kaya naniniwala siyang darating din ang babaeng para sa kanya.

Posible kayang ang TV5 Princess na si Ritz Azul na ang babaeng iyon na nali-link nga-yon sa kanya?

“Kung siya iyong ibibigay sa atin ng nasa Itaas e.”

Puwede ba siyang magpakasal ulit? “Puwede,” matipid na sagot ni Direk GB na siya ring direktor ng Face The People ng Kapatid Network.     .

So, puwede mong pakasalan si Ritz sa lahat ng simbahan? “Hindi ako puwede sa Catholic church e.”

Pero sa Huwes ay puwede? “Oo sa Huwes.”

So Civil? Sa lahat ng Huwes, kaya mong pakasalan si Ritz? “Oo, sa lahat ng Huwes. Sa lahat ng branch, puwede ko siyang pakasalan,” nakangiting saad ni Direk GB.

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *