Friday , March 29 2024

Mabuhay ang Sentenaryo ng Iglesia ni Cristo

KAKAIBANG tibay at tatag ang ipinakita ng kapa-tiran ng Iglesia ni Cristo dahil naabot nila ang kanilang sentenaryo ngayong darating na July 27, 2014.

Hindi matatawaran ang kaligayahan na nasa kanilang kalooban dahil nalampasan nila ang mabibigat na pagsubok upang ganap na kilalanin bilang isang matatag na relihiyon sa buong mundo.

Nagmula sa isang payak na umpisa ang Iglesia ni Cristo matapos itatag ni Kapatid Felix Y. Manalo noong Hulyo 14, 1914. Si Ka Felix ang unang sumagwan at nagsumikap para sa pagpapalagap nito sa buong bansa na ang panguna-hing layunin ay palaganapin ang Salita ng Diyos sa buong sambayanang Pilipino.

Bagaman panahon ng digmaan, hindi naging balakid kay Ka Felix ang kaguluhan bagkus nagsilbi lalo itong hamon sa kanyang pamamahayag ng Salita ng Diyos.

Tinuya at pinagbabato pa ang Sugong si Ka Felix noong sinisimulan niya ang Iglesia ni Cristo dahil sa kanyang pagpapakalat ng Salita ng Diyos pero matapos lamang ang ilang taon ay mabilis itong lumaki at kumalat sa iba’t ibang panig ng Pilipinas.

Matapos ang makaysaysayan panimula ni Ka Felix, nang kunin na ng Dakilang Maykapal, ipinagpatuloy ng kanyang anak na si Kapatid na Eraño Manalo na siyang nagpalaking lalo sa Kapatiran sa pamamagitan ng papapalawak nito hindi lamang sa buong Pilipinas kung hindi sa buong mundo.

Kitang-kita kay Ka Eraño ang determinasyon ng pagpapalawak sa Salita ng Diyos na dahilan nang pag-angat ng Iglesia ni Cristo sa pedestal na kinalalagyan nito ngayon.

Pagsagip sa kaluluwang naliligaw at nagkakasala ang naging pangunahing agenda ng Iglesia ni Cristo na siyang ipinagpapatuloy nga-yon ng kanilang tagapamahalang pangkalahatan na si Kapatid na Eduardo Manalo.

Kakaibang pagpapagal din ang ipinakita ni Ka Eduardo dahil inabot niya ang mahihirap nating kababayan sa pamamagitan ng lalong pagpapa-tibay sa mga public service programs ng Iglesia ni Cristo katulad ng Lingap sa Mahihirap.

Mas naging aktibo ang kapatiran sa pagka-linga at pagtulong hindi lamang sa kanilang mga kapatid kung hindi lalo’t higit sa mga kapos palad na Pilipino.

Bukod sa pagkalinga ay isinabay na rin ni Ka Eduardo ang pagtatayo ng malalaking proyekto katulad ng inialay nitong Lunes na Philippine Arena, ang pinakamalaking dome sa buong daigdig.

Pagkalinga at pagpapaunlad ng bansa at tinututukan ngayon ng Iglesia ni Cristo at ito ang kinilala ni Pangulong Noynoy Aquino sa kanyang speech sa pag-aalay ng Philippine Arena kahapon.

Marami pang magagandang bagay ang dara-ting sa bansa at iyan ay dahil katuwang ng pama-yanan ang buong Iglesia ni Cristo sa pamumuno ni Ka Eduardo kaya’t kapit lang tayo dahil tiyak na patungo na sa pag-unlad ang ating bayan.

Sa mga kapatid natin sa Iglesia ni Cristo, taos puso pong bumabati ang pitak na ito kasama ang aking mga anak na sia Valenzuela City Councilor Rovin Andrew Feliciano at Punong Barangay Cristina Marie Feliciano ng Arkong Bato, Valenzuela City.

Mabuhay ang ika-100 taon ng Iglesia Ni Cristo!

Alvin Feliciano

About Alvin Feliciano

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Leave a Reply

Your email address will not be published. Required fields are marked *