Tuesday , December 11 2018
Breaking News
You are here: Home / Showbiz / Vhong Navarro, mukhang makaliligtas sa mga kasong isinampa laban sa kanya

Vhong Navarro, mukhang makaliligtas sa mga kasong isinampa laban sa kanya

ni Ed de Leon

NAGPASALAMAT na si Vhong Navarro sa kanyang fans na sinasabi niyang patuloy na nagdarasal para sa kanya, matapos na ibasura ng piskalya ng Taguig ang ikalawang rape case na isinampa laban sa kanya ni Deniece Cornejo.

Ang simpleng argument lang naman ng piskal na nagbasura roon, bakit daw pinayagan pa ni Deniece na magbalik sa kanyang condo si Vhong noong Enero 22 kung hinalay na nga siyang una noong Enero 17. Doon naman sa naunang kaso, napansin niya ang pakikipagngitian pa raw ni Cedric Lee sa loob ng elevator na mukhang taliwas sa dapat na reaksiyon kung may tutulungan nga silang hinahalay.

READ MORE:  Ilusyon ng fans sa AlDub, binabasag?

Kanya-kanyang opinion iyan eh. Iyang kasong rape, usually wala namang testigo riyan eh maliban sa biktima mismo. Kaya ang batayan ng prosecution sa mga ganyang kaso, at ang batayan din ng korte sa kanilang magiging desisyon kung sakali ay kung gaano ka-credible ang statement ng biktima mismo ng panghahalay. Hindi naman sa pinangungunahan namin ang korte, pero sa palagay namin ang may matibay lang na complaint laban kay Vhong ay iyang si Deniece. Kung ang dalawang kasong isinampa ni Deniece ay na-dismiss na nga, palagay namin talagang magiging confident na nga si Vhong.

READ MORE:  Mariel, kambal ang ipinagbubuntis

Doon sa kasong isinampa ni Roxanne Cabanero, masasabi ngang kakatuwa na naalala niya ang mga detalye ng ginawa sa kanya, pati kung paano ibinaba ang kanyang underwear, pero hindi niya matandaan kung anong petsa nga ba eksaktong nangyari iyon. Sinasabi lang na may palagay na nangyari iyon sa isang period of time, pero walang eksaktong petsa. Hindi na natin mahahanap na kabisado niya ang lugar na pinangyarihan noon, dahil inaamin naman niyang probinsiyana siya at noon lang nakapunta sa Manila. Pero noon pa ay lumabas na rin ang statement niyong si Rose Ann Uy Aguilar na nakita nga niyang pumasok sa hotel si Roxanne pero hindi niya alam kung saan galing iyon, at hindi niya nakita kung may naghatid nga ba roon o kung saang sasakyan bumaba. Basta nakita raw niyang pumasok sa lobby, binati niya iyon pero ni hindi sila nag-usap dahil hindi naman sila talagang magkaibigan.

READ MORE:  Mahusay na actor, balik na naman sa paggamit ng droga

Iyong isa naman, na naghintay pang lumipas ang maraming taon bago nagsampa ng demanda, liban siguro kung makapaghaharap iyan ng talagang matibay na ebidensiya, wala rin. Mukha ngang makaliligtas na si Vhong sa hoyo.

COMMENTS

About Ed de Leon

Scroll To Top
 

Copyright hatawtabloid.com | All Rights Reserved