Thursday , March 28 2024

Misis 5 beses tinarakan ng icepick, tigbak (Pinagselos si mister)

PANIBUGHO ang nagtulak sa isang ama ng tahanan na saksakin ng icepick nang limang ulit ang kanyang misis nang ipagmalaki ng biktima na may ibang taong nakauunawa sa kanya sa Pasay City kamakalawa ng umaga.

Nalagutan ng hininga bago idating sa Pasay City General Hospital si Vilma Velazquez, 36, ng 1749 Cuyegkeng St., Zone 1, Brgy. 2 , Pasay City.

Sumuko kay Joel Savarez, barangay kagawad ng Brgy.2, Zone 1, ang suspek na si Freddie Velazquez, 36, vendor, residente rin sa naturang lugar, at dinala sa Pasay Police.

Sa imbestigasyon nina PO3 Giovanni Arcinue at SPO1 Cris Gabutin, dakong 6:30 a.m. nang naganap ang insidente sa bahay ng mag-asawa sa nabanggit na lugar.

Ayon sa pahayag ng suspek na si Freddie, gabi pa lamang ay nagtatalo na silang mag-asawa dahil ipinagmalalaki sa kanya ng kanyang misis na mayroong tao na nakauunawa sa kanya at pwede silang buhayin.

Sumama ang kanyang loob kaya nagpasya siyang umalis ng bahay.

Ilang oras lamang ang nakalipas, umuwi ang suspek na lasing at nadatnan ang kanyang limang anak at misis na natutulog na.

Ginising ng suspek ang kanyang misis at pinaamin kung sino ang kanyang ipinagmamalaki, na humantong sa kanilang pagtatalo.

Dumilim ang paningin ng suspek, dinampot ang ice pick at inundayan ng saksak ang kanyang misis. (JAJA GARCIA)

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

Leave a Reply

Your email address will not be published. Required fields are marked *