Friday , March 29 2024

Hapon hinulidap ng ‘parak’

ISANG Japanese national ang dumulog sa pulisya nang mahulidap ng nagpakilalang pulis at matangayan ng P120,000 halaga ng mga gadgets at pera sa Ermita, Maynila, kamakalawa.

Si Handa Makasaaki, 41, ng Kyoto, Japan, ay nagharap ng reklamo kasama ang security guard ng Tune Hotel, na nasa Malate, Maynila, na si Israel Tapang, sa Manila Police District – General Assignment and Investigation Section (MPD-GAIS) pagkatapos ng insidente.

Sa salaysay ng biktima kay SPO1 James Poso, nakatayo siya sa isang waiting shed dakong 4:00 p.m. nang lapitan at sitahin ng suspek nakasuot ng unipormeng pulis pero walang name plate.

“A policeman ask me if I had a passport. I showed him, but he said no copy, you should go to our van,” pahayag ng biktima.

Sumama ang biktima, pinasakay siya sa itim at puti na Revo na may sakay na tatlong lalaki.

Agad kinuha sa biktima ang dalang bag na naglalaman ng cellphone, camera, laptop, iba pang kagamitan at wallet na may laman na pera saka pinakawalan.

Ayon kay Tapang, namumutlang lumapit sa kanya ang dayuhan at nagpasama sa pulis para i-report ang nangyari sa kanya.

Inilarawan ng biktima ang suspek na may katabaan, kayumanggi at hindi kataasan.

Inihahanda ng pulisya ang mga retrato ng mga pulis na nakatalaga sa MPD para kilalanin ng biktima. (LEONARD BASILIO)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Leave a Reply

Your email address will not be published. Required fields are marked *