HATAW! D'yaryo ng Bayan hatawtabloid.com
PINALALAKAS at pinatitindi ng TV5 Kapatid Network ang kanilang morning time slot kaya naman simula sa Lunes, Hulyo 7, matutunghayan ang back-to-back Season 3 premiere ng Face the People (10:15- 11:15 a.m.), kasama si Edu Manzano na bagong makakasama nina Gelli de Belen at Tintin Bersola at ang Let’s Ask Pilipinas (11:15- 12:00 noon) ni Ogie Alcasid.
Bale bagong dagdag na host sa Face The People si Edu na aminadong nasa-shock sa mga pangyayari o pinag-uusapang problema sa show.
Mas magiging malalim at balanse na rin daw ang pagpapayo at opinyon sa pagpasok ni Edu sa programa. Sa bagong segment nitong Sabi Ni Edu, Sabi Ni Gelli, si Edu na ang magbibigay ng machong pagpapayo at kakatawan sa mga opinyon ng kalalakihan sa mga isyu sa Face The People samantalang si Gelli pa rin ang pinagkakatiwalaang ‘ateng’ ng taumbayan na ipaglalaban kung ano ang patas at tama base na rin sa kanyang mga karanasan bilang ina, kapatid, at babae.
Parte rin ng ng Face The People si Tintin para sa kanyang Happy Change—isang social responsibility segment ng programa na tutulong para magkaroong ng positibong pagbabago sa buhay ng kanilang mga case subjects. Kada linggo, ibabalita ni Mamu Tin kung paano natulungan ng programang magbago ang buhay ng kanilang mga case subject. Dadalhin ni Tintin ang Face The People sa masa sa pamamagitan ng Sey Ng Taumbayan—isang segment na pupulsuhan ni Tintin ang mga opinyon ng mga pangkaraniwang tao sa mga isyung tinatalakay ng Face The People.
At sa Lunes (Hulyo 7), gugulatin agad sina Gelli, Edu, at Tintin ni Meagan Aguilar ng mag-walk-out. Tatalakayin ng programa ang ‘di pagkakaunawaan ni Meagan at ng kanyang ama, ang ‘Hari ng Pinoy Folk Songs’ na si Ka Freddie Aguilar. ?
Kaya tutok na sa Lunes (July 7) sa Face The People, 10:15 a.m. sa TV5!
