HATAW! D'yaryo ng Bayan hatawtabloid.com
KABI-KABILA na naman ang pa-presscon ng GMA7 para sa mga bago nilang show. Dahil sa hindi maganda ang ratings, napipilitan silang tapusin na iyon at palitan ng panibago sa pag-asang baka sakaling maka-arangkada.
Pero, sad to say, butata pa rin sila sa mga teleserye ng ABS-CBN. Tulad na lamang niyong dalawang show na itinapat nila sa master serye ng Dreamscape Entertainment ng Dos, ang Ikaw Lamang na pinagbibidahan nina Kim Chiu at Coco Martin. Dalawang beses nang pinatumba ng Ikaw Lamang ang mga show ng GMA na itinatapat nila rito tulad ng Carmela ni Marian Rivera.
Napag-alaman din namin na last week na ng Kambal Sirena na hindi man lamang nakalapit sa rating ng Ikaw Lamang. Paano naman kasi, halos doble ang lamang ng Ikaw Lamang sa rating ng mermaid show ng GMA.
After Kambal Sirena, may isang bagong show na naman ang itatapat sa Ikaw Lamang, tingnan natin kung ano ang magiging kapalaran ng show na ito.
Makaarangkada kaya ang GMA show sa lupit na istorya ng Ikaw Lamang na halos gabi-gabi ay may nagaganap na unexpected twists? Nariyan pa ang mga rebelasyong kagulat-gulat gayundin ang mga kahanga-hangang performance ng casts.
Kaya nga #1 primetime teleserye ang Ikaw Lamang dahil napakaganda nito.
