HATAW! D'yaryo ng Bayan hatawtabloid.com
ni Dominic Rea
SA June 27, Biyernes ay lilipad naman ang buong Team DJP kasama ako para sa Daniel Padilla: Isang Pasasalamat Show sa Tacloban City sa tulong ng My Phone/Philippines at Sangkay Team ni Ate Rowena Laceras-Young na kaibigan namin sa Tacloban kasama ang buong Sangkay Team based doon.
Noong kasadsaran ng bagyong Yolanda ay ipinangako talaga ito ni Daniel sa mga Taclobanos. Hindi naman lingid sa kaalaman natin na sa Tacloban ipinanganak si Carla Ford (Karla Estrada) at nag-aral din doon si Daniel during his elementary grades. Isang pasasalamat concert na pupunuin daw ni Daniel ng kantahan at saya ang gabing iyon.
Ayon kay Daniel, excited siya sa gagawing free concert dahil gusto niya itong gawin noon pa ngunit ngayon lang talaga nagkaroon ng pagkakataong maisingit sa kanyang schedule.
Kahit ang inang si Karla ay masayang ibinalita rin sa akin ang kanyang kagalakan. Personal po akong nagpapasalamat sa MyPhone, Star Magic, at Sangkay-Tacloban for making this free concert possible na gaganapin naman sa Leyte Sport Development Center (Grandstand) TaclobaN City.
More power Team DJP!!!
