Kelot niratrat sa burol ng kaibigan

PINAGBABARIL hanggang mapatay ng apat armadong kalalakihan ang isang lalaki habang nasa burol ng kanyang kaibi-gan sa Brgy. Poblacion, Norzagaray, Bulacan kahapon ng madaling araw.

Kinilala ang biktimang si Hipolito Payumo, 45-anyos, residente ng Brgy, Pinagtulayan, sa nabanggit na bayan.

Sa ulat mula sa tanggapan ni Senior Supt. Ferdinand Divina, Bulacan Police director, nakipaglamay ang biktima sa burol ng kanyang kaibigang si Hilton Pascual sa Tabtab Street, sinasabing binaril at napatay noong Hunyo 9.

Habang nakikipag-usap si Payumo sa ilang residente ay biglang umalingawngaw ang sunod-sunod na putok ng baril at pagkaraan ay bumulagta ang biktima.

Sinisilip ng mga awtoridad ang anggulong onsehan sa bawal na droga ang posibleng motibo sa insidente dahil ang kaibigan ng biktima na si Pascual ay itinumba rin dahil sa ipinagbabawal na gamot.

(MICKA BAUTISTA/DAISY MEDINA)