Female singer, ina-advance agad ang TF

ni Ronnie Cararrasco III

SEGUEL ito sa aming naunang tsika tungkol sa isang female singer, na bukod sa walang bitbit na gamit sa kanyang recent taping ay parang ganadong-ganado sa pagkain sa set.

In fairness, kauna-unawa ang kanyang kalagayan ngayon. With no stable job, kailangan niyang rumaket to fend for her family. Kaya naman nang dumating sa set (naging cause of delay pa siya dahil magrorolyo na ay prenteng-prenteng nakasalampak pa sa sofa, wala pa raw kasi siyang medyas na isusuot!), ang bungad niyang tanong sa staff na kumontak sa kanya: “Magkano ang TF ko?”

Sagot naman ng staff, P10K. Hirit ng hitad, “Makukuha ko na rin ngayon?” Ani staff, hindi raw dahil gagawan pa ‘yon ng cash voucher. Sa takdang araw ng bayaran sa mga guest daw ‘yon makokolekta ng singer.

Nanlulumong reaksiyon ng hitad, “Ay, hindi ba puwedeng kalahati, sa darating na cut-off, tapos, ‘yung kalahati, cash?”

Ewan kung pinagbigyan ng production ang hiling ng mang-aawit na itago na lang natin sa alyas na Arianne Malvar.