Friday , March 29 2024

Diary ng Pogi (Just Call me Lucky 2) (Part 8)

IN-LOVE KAY MA’AM

Pero nang mag-bell ay mabilis na gumanda ang pakiramdam ko.

“You, you… and you!” pagtuturo ng daliri ni Miss Apuy-on sa aming tatlo nina Jay at Bryan. “Sumunod kayo sa akin sa faculty room.”

Nahulaan ko na agad ang dahilan niyon. Napansin siguro ni Miss Apuy-on ang pamumula ng mga mukha naming magkakadabar-kads. Naglider sa aming tatlo si Jay. Siya ang unang humarap sa aming titser. Parang isang close-door meeting ‘yun. At nang balikan niya kami ni Bryan sa makalabas ng faculty room ay nakangising-hudas na siya.

“Absuwelto na tayo Kay Ma’m,” aniya sa amin ni Byran.

“T-talaga, ‘Pre?” naibulalas ni Bryan na halos ‘di makapaniwala.

“P-pa’nong nangyari ‘yun, ‘Pre?” naitanong ko sa pagtataka.

“Magaling akong abogado,e…” pagyayabang ni Jay.

Kinalawit ni Bryan ng bisig sa batok si Jay at saka niya kinanti-kanti ito ng suntok sa dibdib.

“Pa-tsapter-tsapter ka pa, e… ‘wag mo na kaming ibitin ni Atoy,” hirit ni Bryan kay Jay.

“Okey, okey…” ani Jay makaraang magpigil sa pagtatawa.

May ibinulong-bulong si Jay kay Bryan. At pagkaraa’y kapwa na sila nagtatawa.

“Isali n’yo ako, hoy!” sigaw ko sa kanilang dalawa.

Sa kwento ni Jay, galit na galit umano si Miss Apuy-on nang kausapin siya nito sa fa-culty room. Dahil daw sa pagpasok namin sa klase nang nakainom ay nagbanta na ipaga-guidance kami. Hindi raw siya kumibo at hinayaan lang na magsermon nang magsermon ang titser namin. Sa huli ay itinanong daw nito kung bakit kami uminom ng alak.

“Pa-drama effect ang acting ko kay Ma’m. Sabi ko… Ma’m, sinamahan lang po namin ni Bryan si Atoy sa kanyang mabigat na problema. Tanong agad ni Ma’m: Ano’ng problema ni Atoy?” ang sabi ni Jay.

“A-ano’ng sinabi mo kay Miss Apuy-on?” tanong ko.

“Hindi muna ako nagsalita… Naglungkut-lungkutan muna ako…Tapos, tirada ko: Kasi po, Ma’m, e, in-love sa iyo si Atoy pero ‘di n’ya maibulalas ang kanyang damdamin,” kwento pa ni Jay na sinundan ng malakas na halakhak.

(Itutuloy)

ni Rey Atalia

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *