Thursday , March 28 2024

Lantaran Saklang-Patay sa Sta. Maria, Bulacan! (Attn: SILG Mar Roxas)

00 Bulabugin JSY

EVERYDAY happy na naman ang sakla operators sa Sta. Maria, Bulacan dahil binigyan na raw sila ng local PNP ng go-signal na mag-operate.

Sandaling natengga ang mga mesa’t baraha ng mga mananakla sa naturang bayan dahil sa mahigpit na kautusan ng Department of Interior and Local Government (DILG) sa Philippine National Police na ipatigil ang lahat ng uri ng sugal sa bansa.

Sa mga panahong iyon ay walang sakla sa bayan ng Sta. Maria, maayos namang naipalilibing ang mga patay dahil sa tulong, pag-aambagan at kontribusyon ng magkakapitbahay at magkakamag-anak. Ginagawa kasing dahilan ng mga demonyong sakla operators, na malaking tulong daw ang naibibigay nila sa mga namamatayan dahil sa ‘tong’ o kita ng pa-sakla gabi-gabi habang nakaburol ang patay.

Pero ang lantad na katotohanan, ginagawang negosyo at pinagsasamantalahan ng mga sakla operators ang mga patay para magkamal ng pera para sa pansariling-bulsa, lalo kung malakihan ang tayaan o isang linggong nakaburol ang patay.

May isang buwan na ngayon nang muling i-OPEN ng Sta. Maria PNP ang sugal na sakla sa naturang bayan. Mahigpit pa ang bilin sa mga sakla operator na walang latag sa hayag na lugar o lansangan. Kaya ang mga saklaan at maging ang mga ‘konsiyerto’ ay isinasagawa sa mga tagong lugar na dinarayo pa rin ng mga manunugal, gaya ng saklaan ng isang alyas ‘MONG’ sa may Immaculate Concepcion Funeral Homes. Isang alyas ‘EBOY’ naman ang natokahan ng local PNP para hawakan ang intelihensiya ng mga saklaan sa Sta. Maria, na ang ang lagayan ay P2k isang gabi bawat puwesto, mahina o malakas man ito.

Kinokolekta naman ito ng nagpapakilalang ‘bagman’ ng opisina ng Chief of Police na si alias ‘ALBERT-ONG’ na walang ginawa kundi ‘hukayin’ ang mga ilegal na pagkakakitaan sa bayang ito.

SILG MAR ROXAS, mukhang lumalala na ang peace and order situation sa Sta. Maria Bulacan. Maya’t maya ay kabi-kabila ang patayan na hindi nareresolba ng mga tutulog-tulog na pulis ng Sta. Maria. Hindi lang saklaan ang namamayagpag sa Sta. Maria, nandiyan din ang lantarang bentahan ng mga pekeng VCD/DVD tapes, beerhouse, botyaan, bentahan ng mga expired na produkto, illegal quarrying at mga nagkalat na kababaihang nagbebenta ng laman.

Sonabagan!!!

Sta. Maria PNP Chief P/Supt. RODOLFO ‘Boy’ HERNANDEZ, ano bang nangyayari sa area of responsibility mo!?

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *