Friday , March 29 2024

Herbert, pinatunayang mabuti siyang ama (Sa pagpili sa mga anak)

ni Ed de leon          

TAMA lang naman ang sinabi ni Mayor Herbert Bautista at hindi na talaga kailangang magbigay ng ano pa mang comment si Kris Aquino,kahit na obviously ay nasaktan siya sa sinabi ng mayor na nagkagusto rin sa kanya, pero mas mahalaga sa kanya ang kanyang mga anak. Sino ba naman ang makapagsasabing mali ang isang ama na nagbigay halaga sa damdamin ng kanyang mga anak?

Nagkabiglaan kasi eh. In the first place hindi naman dapat naging ganyan iyan, kung binigyan lang siguro ng panahon ni Kris na makausap muna ngvtama ni Mayor Bistek ang kanyang mga anak tungkol sa kanilang magiging relasyon sana. Kaso ang nangyari, bigla na lang siyang gumawa ng announcement sa telebisyon na mayroon nga silang namumuong relasyon ng mayor. Totoo raw namang napag-usapan nila iyon, pero hindi ganoon katindi ang alam ng mayor. May mga ipinaaalis nga raw iyon sa prepared statement sabi ng isa naming source, pero sinabi pa rin ni Kris dahil sa advice umano ng isang kasama niyon sa show na sabihin iyon. Nabigla siyempre ang mga anak ni Mayor Bistek. Nag-react din siyempre ang kanyang common law wife, na kahit na hiniwalayan na niya seven years ago pa, siya pa ring itinuturing na first lady ng Quezon City. Aba isipin mo nga naman iyong para kang biglang natapon.

Iyong mga anak ni Mayor Bistek sa una, hindi na ng-react eh. Sanay na sila sa ganoong sitwasyon dahil napagdaanan na nila iyon eh. Eh doon sa pangalawa, kahit na nga hiniwalayan na niya, nakaporma pa rin kaya mahirap iyon.

Pero hindi sinabi ni Mayor Bistek na umatras siya sa panliligaw kay Kris dahil sa kanyang common law wife. Hiwalay na nga sila eh. Kaya hindi mo masasabing may hindi maganda sa intentions niya. Talagang libre naman siyang ma-in love ulit. Binata naman siya legally, iyon nga lang may apat na anak din siya.

At saka may katuwiran din namang pumalag ang mga anak ni Mayor Bistek. Nakakasama lang niya ang mga iyon kung may okasyon dahil busy din siya sa trabaho. Tapos kung natuloy nga naman ang relasyon nila ni Kris, mas pakikisamahan niya ang dalawa pang bata na hindi naman niya anak. Aba malabo nga naman iyon.

Pero sa sinabi niya, napatunayan ni Mayor Bistek na mabuti rin siyang tatay kaya ang masasabi lang namin ay “happy fathers’ day”.

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *