Thursday , March 28 2024

Ginebra vs SMB

INAASAHAN ang matinding pagsabog sa salpukan ng Barangay Ginebra at San Miguel Beer sa PLDT Home Telpad PBA Governors Cup mamayang 8 pm sa Philsports Arena sa Pasig City.

Sa unang laro sa ganap ng 5:45 pm ay magkikita naman ang Air 21 at Globalport.

Ang apat na koponang tampok sa double header mamaya ay pawanggaling sa kabiguan at naghahangad na makabawi.

Ang Express ay natalo sa overtime, 113-109 sa defending champion San Mig Coffee noong Lunes at kasosyo ngayon ng Beermen sa kartang 4-3. Ang San Miguel Beer ay galing sa 80-67 pagkatalo sa Meralco sa kanilang out-of-town game sa Cagayan de oro City noong Sabado.

Noong Linggo naman ay natalo ang Barangay Ginebra sa Rain or Shine, 117-108 sa Binan, Laguna at bumagsak sa 4-2. Sa araw ding iyon ay pinadapa ng Barako Bull ang Globalport, 122-98. Iyon ang ikalimang sunod na kabiguan ng Batang Pier na nangungulelat sa record na 1-6 at tagilid na makapasok sa quarterfinals.

Hindi pa rin nakapaglalaro sa San Miguel Beer ang mga injured players na sina Marcio Lassiter, Paolo Hubalde at Chris Ross.

Hindi naman kinukulang sa firepower ang Beermen na nanggagaling kina Reggie Williams, June Mar Fajardo, Arwind Santos, Solomon Mercado at Chris Lutz.

Matindi naman ang mga huling laro ng Gin Kings. Matapos ang Beermen mamaya ay makakatapat nila ang Alaska Milk sa Biyernes at nangungunang Talk N Text sa Linggo.

Ang Gin Kings ay pinangungunahan nina Zaccheus Mason na sinusuportahan nina   Mark Caguioa, LA Tenorio, Chris Ellis, Japhet Aguilar at Gregory Slaughter.

Ang Air 21 ay binubuhat nina Dominique Sutton, Paul Asi Taulava, Joseph Yeo, Mark Cardona at Aldrech Ramos. Makakatunggali nila sina Dior Lowhorn, Jay Washington, Alex Cabagnot, RR Garcia at Terrence Romeo.

(SABRINA PASCUA)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *